സിംഗപൂരിൽ കൊവിഡ് മരണം നാലായി

ഇന്തോനേഷ്യൻ പൗരനായ 68കാരനാണ് മരിച്ചത്.ഇയാള്‍ക്ക് രക്തസമ്മർദം, പ്രമേഹം എന്നീ അസുഖങ്ങൾ ഉണ്ടായിരുന്നുവെന്നും ആരോഗ്യ മന്ത്രാലയം

സിംഗപൂർ : കൊവിഡ് മൂലമുള്ള നാലാമത്തെ മരണം സിംഗപൂരില്‍ റിപ്പോർട്ട് ചെയ്‌തതായി സിംഗപൂർ ആരോഗ്യമന്ത്രാലയം. ഇന്തോനേഷ്യൻ പൗരനായ 68കാരനാണ് മരിച്ചത് . മാർച്ച് 22നാണ് ഇയാളെ ആശുപത്രിയിൽ പ്രവേശിപ്പിച്ചത് . രക്തസമ്മർദം, പ്രമേഹം തുടങ്ങിയ അസുഖങ്ങളും ഇയാൾക്കുണ്ടായിരുന്നുവെന്നും ആരോഗ്യ മന്ത്രാലയം പറഞ്ഞു.

ഏഴ് ഇന്ത്യക്കാർക്ക് അടക്കം 74 കൊവിഡ് കേസുകളാണ് ഇന്നലെ രാജ്യത്ത് റിപ്പോർട്ട് ചെയ്‌തത്. അതേ സമയം സിംഗപൂരിൽ കൊവിഡ് രോഗികളുടെ എണ്ണം 1000 ആയി.