കാബൂൾ : അഫ്‌ഗാനിസ്ഥാനിലെ ജനപ്രിയ ഹാസ്യതാരമായ ഖഷ സ്വാനെ കൊല്ലപ്പെട്ട നിലയില്‍ കണ്ടെത്തി. രാജ്യത്തെ കാണ്ഡഹാര്‍ പ്രവിശ്യയിലാണ് സംഭവം. നാസര്‍ മുഹമ്മദെന്ന താരം ഖഷ എന്ന പേരിലാണ് അറിയപ്പെടുന്നത്. കൊലയാളികളെക്കുറിച്ച് വിവരം ലഭിച്ചിട്ടില്ല.
പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. ജൂലൈ 22 വ്യാഴാഴ്ച രാത്രി വീട്ടിൽ നിന്ന് പുറത്തെത്തിച്ച് കൊലപ്പെടുത്തിയതായാണ് റിപ്പോര്‍ട്ട്. നേരത്തേ, കാണ്ഡഹാർ പൊലീസിൽ സേവനമനുഷ്ഠിച്ചിരുന്ന ഇദ്ദേഹത്തെ, താലിബാനാണ് കൊലപ്പെടുത്തിയതെന്ന് കുടുംബം ആരോപിച്ചു.