ചൈനയില്‍ ആയുധ ധാരിയായ അക്രമിയെ പൊലീസ് വെടിവെച്ച് കൊന്നു

ആധുനിക തോക്കുകളുമായെത്തിയ അക്രമി മൂന്ന് പേരെ ബന്ദികളാക്കി ഭീഷണിപ്പെടുത്തി സ്ഫോടകവസ്തു സ്ഥാപിക്കുകയായിരുന്നു.

ബീജിങ്:ചൈനീസ് മേഖലയിലെ ഇന്നർ മംഗോളിയയില്‍ മൂന്ന് പേരെ ബന്ദികളാക്കിയ അക്രമിയെ പൊലീസ് വെടിവച്ചു കൊന്നു. ഞായറാഴ്ച പ്രാദേശിക സമയം രാവിലെ 11 മണിയോടെ ഹോഹോട്ട് പട്ടണത്തിലായിരുന്നു സംഭവം. ആധുനിക തോക്കുകളുമായെത്തിയ ഇയാൾ മൂന്ന് പേരെ ബന്ദികളാക്കി സ്ഫോടത്തിന് തയ്യാറാവുകയായിരുന്നു . ഇതേ തുടർന്നാണ് പൊലീസ് വെടിയുതിർത്തത്. അക്രമി സംഭവ സ്ഥലത്ത് തന്നെ കൊല്ലപ്പെട്ടു. സ്ഫോടക വസ്തു ഉദ്യോഗസ്ഥർ നിർവീര്യമാക്കി. സംഭവത്തില്‍ അന്വേഷണം തുടരുന്നു.