ഇസ്ലാമാബാദ്: പ്രധാനമന്ത്രി നരേന്ദ്രമോദിയുടെ അമേരിക്കന്‍ സന്ദര്‍ശനത്തിന് പാകിസ്ഥാന്‍ വ്യോമപാത നിഷേധിച്ചു. മോദിയുടെ പ്രത്യേക വിമാനത്തിന് പാക് വ്യോമപാത ഉപയോഗിക്കാന്‍ അനുമതിയില്ലെന്ന് പാക് വിദേശകാര്യ മന്ത്രി ഷാ മഹ്മൂദ് ഖുറേഷി അറിയിച്ചു. ഇതോടെ ഒമാന്‍ വഴിയാകും മോദി അമേരിക്കയിലേക്ക് പോവുക. ഈ മാസം 21 മുതല്‍ 27 വരെയാണ് പ്രധാനമന്ത്രിയുടെ അമേരിക്കന്‍ സന്ദര്‍ശനം.യു.എന്‍ ജനറല്‍ അസംബ്ലിയുടെ വാര്‍ഷിക സമ്മേളനത്തില്‍ പങ്കെടുക്കാനാണ് പ്രധാനമന്ത്രി പോകുന്നത്. ഇന്നലെയാണ് വ്യോമപാത ഉപയോഗിക്കാനുള്ള അനുമതി ഇന്ത്യ ഔദ്യോഗികമായി തേടിയത്.
പ്രധാനമന്ത്രിക്ക് പാകിസ്ഥാന്‍ വ്യോമപാത നിഷേധിച്ചു - അമേരിക്കന്‍ സന്ദര്‍ശനം
അമേരിക്കയില്‍ നടക്കുന്ന യു.എന്‍ ജനറല്‍ അസംബ്ലിയുടെ വാര്‍ഷിക സമ്മേളനത്തില്‍ പങ്കെടുക്കാന്‍ ഒമാന്‍ വഴിയാകും ഇനി പ്രധാനമന്ത്രിയുടെ യാത്ര
പ്രധാനമന്ത്രി
ഈ മാസം ഒന്‍പതിന് രാഷ്ട്രപതി രാംനാഥ് കോവിന്ദിന്‍റെ സ്വിറ്റ്സര്‍ലാന്‍ഡ് സന്ദര്‍ശനത്തിന് വ്യോമപാത തേടിയുള്ള ഇന്ത്യയുടെ അപേക്ഷ പാകിസ്ഥാന്‍ നിരസിച്ചിരുന്നു. കശ്മീരിന്‍റെ പ്രത്യേക പദവി റദ്ദാക്കിയതാണ് തീരുമാനത്തിന് പിന്നിലെന്ന് പാകിസ്ഥാന്‍ പ്രതികരിച്ചിരുന്നു. നേരത്തേ ബലാകോട്ട് ആക്രമണത്തിന് ശേഷവും പാക് വ്യോമപാത ഏറെനാള്‍ അടച്ചിട്ടിരുന്നു.