പാകിസ്ഥാൻ വ്യോമസേന വിമാനം തകര്‍ന്ന് രണ്ട് മരണം - രണ്ട് മരണം
ലാഹോറിൽ നിന്ന് 300 കിലോമീറ്റർ അകലെ മിയാൻവാലി ജില്ലയില്‍ വെച്ചാണ് വിമാനം തകര്‍ന്നത്
പാകിസ്ഥാൻ വ്യോമസേന വിമാനം തകര്‍ന്ന് രണ്ട് മരണം
ഇസ്ലാമാബാദ്:പാകിസ്ഥാനിലെ പഞ്ചാബ് പ്രവിശ്യയില്‍ വ്യോമസേന വിമാനം (പി‌എ‌എഫ്) തകര്‍ന്ന് രണ്ട് പൈലറ്റുമാര്‍ മരിച്ചു. ലാഹോറിൽ നിന്ന് 300 കിലോമീറ്റർ അകലെ മിയാൻവാലി ജില്ലയില്‍ വെച്ചാണ് അപകടം. എ പി‌എ‌എഫ് എഫ്‌ടി -7 വിമാനമാണ് തകര്‍ന്നത്. സ്ക്വാഡ്രൺ ലീഡർ ഹാരിസ് ബിൻ ഖാലിദ്, ഫ്ലൈയിംഗ് ഓഫീസർ ഇബാദ് ഉർ റഹ്മാൻ എന്നീ പൈലറ്റുമാരാണ് മരിച്ചത്. അപകടകാരണം ഉടന്‍ വ്യക്തമാക്കണമെന്ന് അന്വേഷണ ബോർഡ് എയർ ഹെഡ്ക്വാർട്ടേഴ്സിനെ അറിയിച്ചു. രക്ഷാപ്രവർത്തകർ സ്ഥലത്തെത്തി മൃതദേഹങ്ങൾ സൈനിക ആശുപത്രിയിലേക്ക് മാറ്റി.