പ്രധാനമന്ത്രി നരേന്ദ്രമോദി ഭൂട്ടാന്‍ രാജാവുമായി കൂടിക്കാഴ്‌ച നടത്തി

തന്ത്രപ്രധാനമായ രണ്ട് ഉടമ്പടികളിലൂടെ ഉഭയകക്ഷി ബന്ധത്തെ ശക്തപ്പെടുത്തുക, വൈവിധ്യവത്കരിക്കുക എന്നിവയാണ് സന്ദര്‍ശനത്തിന്‍റെ പ്രധാനലക്ഷ്യം. അഞ്ച് തന്ത്രപരമായ കാരാറുകളില്‍ ഇരു രാജ്യങ്ങളും ഒപ്പുവച്ചു.

തിംഫു: പ്രധാനമന്ത്രിയുടെ ഭൂട്ടാന്‍ സന്ദര്‍ശനത്തിന്‍റെ ഭാഗമായി ഭൂട്ടാന്‍ രാജാവ് ജിഗ്മെ ഖേസര്‍ നാംഗേലുമായി കൂടിക്കാഴ്ച നടത്തി. ചര്‍ച്ചയില്‍ ഇരു രാജ്യങ്ങളും തമ്മില്‍ നിലനില്‍ക്കുന്ന സൗഹൃദം ശക്തമായി ഊട്ടിയുറപ്പിക്കുന്നതിനായി നിര്‍ദ്ദേശങ്ങള്‍ കൈമാറി. തന്ത്രപ്രധാനമായ രണ്ട് ഉടമ്പടികളിലൂടെ ഉഭയകക്ഷി ബന്ധത്തെ ശക്തപ്പെടുത്തുക, വൈവിധ്യവത്കരിക്കുക എന്നിവയാണ് സന്ദര്‍ശനത്തിന്‍റെ പ്രധാനലക്ഷ്യം. അഞ്ച് തന്ത്രപരമായ കാരാറുകളില്‍ ഇരു രാജ്യങ്ങളും ഒപ്പുവച്ചു. ശേഷം ഷിമോഗയിലെ സന്യാസികളുമായി അദ്ദേഹം കൂടിക്കാഴ്‌ച നടത്തി. മങ്കടേഷുവിലെ ആണവനിലയം ഉള്‍പ്പടെ വിവിധ പദ്ധതികളും മോദി ഉദ്ഘാടനം ചെയ്‌തു.

താഷിചോട്സോംഗ് കൊട്ടാരത്തില്‍ വെച്ച് നടന്ന സ്വാഗതചടങ്ങിന് ശേഷം പ്രധാനമന്ത്രി ഭൂട്ടാന്‍ രാജാവിനെയും പത്നി ജെറ്റ്സൻ പേമയെയും കണ്ടു. ഇന്ത്യാ ഭൂട്ടാന്‍ സൗഹൃദം നിലനിര്‍ത്തുന്നതിനായ് തുടര്‍ച്ചയായി മാര്‍ഗനിര്‍ദ്ദേശം നല്‍കിപ്പോരുന്ന ഭൂട്ടാന്‍ രാജാവിന് പ്രധാനമന്ത്രി കൃതജ്ഞത അറിയിച്ചതായി വിദേശകാര്യവക്താവ് രവീഷ്‌കുമാര്‍ ട്വീറ്റ് ചെയ്‌തു.