കാഠ്മണ്ഡു: കഴിഞ്ഞയാഴ്ച നേപ്പാളിലുണ്ടായ കനത്ത മഴയെത്തുടർന്ന് ഉണ്ടായ മണ്ണിടിച്ചിലും വെള്ളപ്പൊക്കത്തിലും മരിച്ചവരുടെ എണ്ണം 18 ആയി. 21 പേരെ ഇനിയും കണ്ടെത്താനുണ്ട്. രാജ്യവ്യാപകമായി കനത്ത നാശമാണ് പേമാരിയും വെള്ളപ്പൊക്കവും വരുത്തിവച്ചത്. നേപ്പാൾ പൊലീസും സൈന്യവും സായുധ പൊലീസ് സേനയും സംയുക്തമായി രക്ഷാപ്രവർത്തനവും ദുരിതാശ്വാസ പ്രവർത്തനങ്ങളും നടത്തുന്നുണ്ട്.
മരിച്ച 18 പേരില്‍ നാല് പേര്‍ സ്‌ത്രീകളും മൂന്ന് കുട്ടികളുമുണ്ട്. കാഠ്മണ്ഡുവിൽ നിന്ന് 30 കിലോമീറ്റർ കിഴക്കുള്ള സിന്ധുപാൽചൗക്ക് ജില്ലയിൽ നാല് പേരാണ് മരിച്ചത്. ദോതിയിൽ മൂന്ന് മരണം റിപ്പോർട്ട് ചെയ്‌തു. സപ്താരി, കാവ്രെ, ഗോർഖ, കസ്കി, അർഘഖാച്ചി, പൽപ, പ്യൂതാൻ, ജുംല, കാലിക്കോട്ട്, ബജാങ്, ബജുറ എന്നിവിടങ്ങളിലും ഓരോ മരണം വീതം റിപ്പോർട്ട് ചെയ്‌തു.
also read:നേപ്പാളില്‍ ഭൂചലനം; നിരവധി വീടുകള്‍ക്ക് നാശനഷ്ടം