കാബൂൾ : അഫ്‌ഗാനിസ്ഥാനിലെ സദ്‌ഗുണ പ്രചരണ മന്ത്രാലയത്തിന് മുന്‍പില്‍ ഞായറാഴ്‌ച പ്രതിഷേധ മാര്‍ച്ച് നടത്തി സ്ത്രീകള്‍. രാജ്യത്തെ വനിതാകാര്യ മന്ത്രാലയം അടച്ചുപൂട്ടി താലിബാന്‍, സദ്‌ഗുണ പ്രചരണ വകുപ്പ് സ്ഥാപിച്ചതിലാണ് പ്രതിഷേധവുമായി ഇവര്‍ രംഗത്തെത്തിയത്.
പൊതുസമൂഹത്തില്‍ നിന്നും സ്ത്രീകളുടെ പങ്കാളിത്തം ഒഴിവാക്കുകയും ശാക്തീകരണം തടയുകയും ചെയ്യുകയെന്ന താലിബാന്‍ നയത്തിന്‍റെ ഭാഗമായാണ് ഭരണകൂടം മന്ത്രാലയം അടച്ചത്. പ്ലക്കാര്‍ഡുകള്‍ പിടിച്ച്, മുദ്രാവാക്യം ഉയര്‍ത്തി നിരവധി പേരാണ് പ്രക്ഷോഭത്തിന്‍റെ ഭാഗമായത്.