വാഷിങ്ടൺ: ആഗോള കൊവിഡ് ബാധിതരുടെ എണ്ണം 184.5 മില്യൺ കടന്നു. 3.99 മില്യണ്‍ ആണ് കൊവിഡ് മരണ സംഖ്യ. ഇതുവരെ ആഗോള തലത്തിൽ 184,536,711 പേർക്കാണ് രോഗം സ്ഥിരീകരിച്ചതെന്നും 3,991,598 പേർ രോഗം ബാധിച്ച് മരിച്ചെന്നും സെന്‍റര്‍ ഫോര്‍ സിസ്റ്റംസ് സയൻസ് ആന്‍റ് എൻജിനിയറിങ് അറിയിച്ചു.
അമേരിക്കയിലാണ് കൂടുതൽ കൊവിഡ് കേസുകളും കൊവിഡ് മരണവും റിപ്പോർട്ട് ചെയ്‌തിട്ടുള്ളത്. യുഎസില്‍ ഇതുവരെ 33,746,275 പേരാണ് കൊവിഡ് ബാധിതരായത്. 605,903 പേർ രോഗം ബാധിച്ച് മരിച്ചത്. കൊവിഡ് കേസുകളിൽ രണ്ടാമത് നിൽക്കുന്ന ഇന്ത്യയിൽ ഇതുവരെ 30,619,932 പേർക്ക് കൊവിഡ് സ്ഥിരീകരിച്ചിട്ടുണ്ട്.