ശ്രീലങ്കൻ സ്ഫോടനം: കൊല്ലപ്പെട്ടത് 253 പേരെന്ന് ആരോഗ്യ മന്ത്രാലയം

മൃ​ത​ദേ​ഹ​ങ്ങ​ള്‍ ചി​ത​റി​യ നി​ല​യി​ലാ​യി​രു​ന്ന​തി​നാ​ല്‍ ഒ​രാ​ളു​ടെ ത​ന്നെ മൃ​ത​ദേ​ഹം പ​ല​താ​യി ക​ണ​ക്കാ​ക്കി. ഇതാണ് മരണ സംഖ്യ തെറ്റായി കണക്കാക്കാൻ കാരണമെന്ന് അധികൃതര്‍.

കൊളംബോ: ശ്രീലങ്കയിലുണ്ടായ സഫോടന പരമ്പരയില്‍ 253 പേരാണ് കൊല്ലപ്പെട്ടതെന്ന് ആരോഗ്യമന്ത്രാലയം. മൃതദേഹങ്ങള്‍ പരിശോധിച്ചപ്പോഴുണ്ടായ പിഴവാണ് മരണ സംഖ്യ തെറ്റായി കണക്കാക്കാൻ കാരണമെന്നും അധികൃതര്‍ അറിയിച്ചു. നേരത്തെ 359 പേര്‍ മരിച്ചതായാണ് റിപ്പോര്‍ട്ട് ചെയ്തിരുന്നത്.

മൃ​ത​ദേ​ഹ​ങ്ങ​ള്‍ ചി​ത​റി​യ നി​ല​യി​ലാ​യി​രു​ന്ന​തി​നാ​ല്‍ ഒ​രാ​ളു​ടെ ത​ന്നെ മൃ​ത​ദേ​ഹം പ​ല​താ​യി ക​ണ​ക്കാ​ക്കി. വ്യാ​ഴാ​ഴ്ച രാ​ത്രി​യോ​ടെ​യാ​ണ് പോ​സ്റ്റ്മോ​ര്‍​ട്ടം ന​ട​പ​ടി​ക​ള്‍ അ​വ​സാ​നി​ച്ച​ത്. ഇ​തി​ന് ശേ​ഷ​മാ​ണ് കൃ​ത്യ​മാ​യ ക​ണ​ക്ക് ല​ഭി​ച്ച​തെ​ന്നും ആ​രോ​ഗ്യ​വ​കു​പ്പ് അ​ധി​കൃ​ത​ര്‍ അ​റി​യി​ച്ചു. ചാവേറാക്രമണവുമായി ബന്ധപ്പെട്ട് പൊലീസ് തിരയുന്ന ഏഴ് പേരുടെ ചിത്രങ്ങള്‍ പുറത്തുവിട്ടിട്ടുണ്ട്. ഇവരില്‍ മൂന്ന് പേര്‍ സ്ത്രീകളാണ്.

അതിനിടെ കൊളംബോയിൽ നിന്നും 40 കിലോമീറ്റർ അകലെയുള്ള പൂക്കോടയിലും ഇന്നലെ സ്ഫോടനമുണ്ടായി. ഈസ്റ്റര്‍ ദിനത്തില്‍ കൊളംബോയിലെ ക്രിസ്ത്യൻ പള്ളികളിലും പഞ്ചനക്ഷത്ര ഹോട്ടലുകളിലും ഉൾപ്പെടെ എട്ടിടങ്ങളിലായിരുന്നു സ്ഫോടനം നടന്നത്. അ​ഞ്ഞൂ​റോ​ളം പേ​ര്‍ പ​രി​ക്കേ​റ്റ് വി​വി​ധ ആ​ശു​പ​ത്രി​ക​ളി​ല്‍ ചി​കി​ത്സ​യി​ലാ​ണ്. ഇ​വ​രി​ല്‍ പ​ല​രു​ടേ​യും നി​ല ഗു​രു​ത​ര​മാ​ണ്.