ബെയ്‌ജിങ്: ചൈനയില്‍ നൊവേല്‍ കൊറോണ വൈറസ് ബാധയെ തുടര്‍ന്ന് മരിച്ചവരുടെ എണ്ണം 425 ആയി. ഇതുവരെ 20,438 പേരില്‍ രോഗം സ്ഥിരീകരിച്ചിട്ടുണ്ട്. നിരവധി ആളുകളുടെ പരിശോധ ഫലം ഇനിയും വരാനിരിക്കെ നിരക്ക് കൂടാന്‍ സാധ്യയുണ്ടെന്ന് ലോകാരോഗ്യ സംഘടന അറിയിച്ചു. ആരോഗ്യ അടിയന്താരവസ്ഥ കണക്കിലെടുത്ത് കൊറോണ വൈറസ് പടര്‍ന്ന് പിടിച്ച വുഹാന്‍ പ്രവശ്യയില്‍ മികച്ച സംവിധാനങ്ങളോടെയുള്ള പ്രത്യേക ആശുപത്രിയുടെ പ്രവര്‍ത്തനം തിങ്കളാഴ്‌ച ആരംഭിച്ചു.
രോഗപ്രതിരോധത്തിനായി വേണ്ട നടപടികള്‍ ചെയ്‌തുവരുകയാണെന്നും 1,500 കിടക്ക സൗകര്യമുള്ള മറ്റൊരു ആശുപത്രികൂടി ഉടന്‍ ആരംഭിക്കുമെന്ന് ചൈനയുടെ പ്രസിഡന്‍റ് ഷി ജിൻപിൻങ് പറഞ്ഞു. എന്നാല്‍ നൊവേല്‍ കൊറോണ വൈറസ് വവ്വാലുകളില്‍ നിന്നാണ് ഉണ്ടായതെന്നാണ് ചൈനീസ് ശാസ്‌ത്രഞ്ജരുടെ കണ്ടെത്തല്‍. രോഗബാധിതരായ ഏഴ്‌ പേരില്‍ നിന്ന് ശേഖരിച്ച സാമ്പിളുകളില്‍ 96 ശതമാനവും വവ്വാലുകളില്‍ കണ്ടെത്തിയ കൊറോണ വൈറാണെന്ന് കണ്ടെത്തിയതായി വുഹാന്‍ വൈറോളജി ഇന്‍സ്റ്റിറ്റ്യൂട്ടിന്‍റെ റിപ്പോര്‍ട്ടില്‍ പറയുന്നു.