ഉപഗ്രഹ വിക്ഷേപണ കേന്ദ്രത്തിൽ നടത്തിയ പരീക്ഷണം വിജയകരമെന്ന് ഉത്തരകൊറിയ

സമീപഭാവിയിൽ ഡെമോക്രാറ്റിക് പീപ്പിൾസ് റിപ്പബ്ലിക്ക് ഓഫ് കൊറിയയുടെ തന്ത്രപരമായ നിലപാട് വീണ്ടും മാറ്റുന്നതിൽ ഈ പരീക്ഷണം ഒരു പ്രധാന പങ്ക് വഹിക്കുമെന്ന് അക്കാദമി ഓഫ് നാഷണൽ ഡിഫൻസ് സയൻസ് ഔദ്യോഗികമായി പ്രഖ്യാപിച്ചു

സിയോൾ : ഉത്തര കൊറിയൻ ഉപഗ്രഹ വിക്ഷേപണ കേന്ദ്രത്തിൽ നടത്തിയ പ്രധാനപ്പെട്ട ഒരു പരീക്ഷണം വിജയം കണ്ടതായി അധികൃതർ അറിയിച്ചു. ഇന്ന് രാവിലെയാണ് കൊറിയൻ സെൻട്രൽ ന്യൂസ് ഏജൻസിയുടെ (കെസി‌എൻ‌എ) പ്രസ്‌താവന യോൻ‌ഹാപ്പ് വാർത്താ ഏജൻസി പുറത്തു വിട്ടത്. പരീക്ഷണം വിജയമാണെന്നും വിജയകരമായ ഈ പരീക്ഷണത്തിന്‍റെ ഫലം സമീപഭാവിയിൽ ഉത്തരകൊറിയയുടെ തന്ത്രപരമായ നിലപാട് മാറ്റുന്നതിൽ നിർണായക പങ്ക് വഹിക്കുമെന്നും യോൻ‌ഹാപ്പ് റിപ്പോര്‍ട്ട് ചെയ്തു. സമീപഭാവിയിൽ ഡെമോക്രാറ്റിക് പീപ്പിൾസ് റിപ്പബ്ലിക്ക് ഓഫ് കൊറിയയുടെ തന്ത്രപരമായ നിലപാട് വീണ്ടും മാറ്റുന്നതിൽ ഈ പരീക്ഷണം ഒരു പ്രധാന പങ്ക് വഹിക്കുമെന്ന് അക്കാദമി ഓഫ് നാഷണൽ ഡിഫൻസ് സയൻസ് ഔദ്യോഗികമായി പ്രഖ്യാപിക്കുകയും ചെയ്തു. അമേരിക്കയുമായുള്ള ആണവവൽക്കരണ ചർച്ചകൾ നടക്കില്ലെന്ന് ഉത്തരകൊറിയ വ്യക്കമാക്കിയതിന് തൊട്ടുപിന്നാലെയാണ് പുതിയ സംഭവം.