ലോകത്തിന്‍റെ വിവിധ ഭാഗങ്ങളില്‍ വലയ സൂര്യഗ്രഹണത്തിനാണ് ഈ വര്‍ഷം അവസാനം ലോക ജനത സാക്ഷിയായത്. ഗള്‍ഫ് രാജ്യങ്ങളിലും തെക്ക് കിഴക്കന്‍ ഏഷ്യയിലും ഓസ്ട്രേലിയയിലും വലയ സൂര്യഗ്രഹണം നടന്നു. പ്രാദേശിക സമയം രാവിലെ 7.30 മുതല്‍ 1.6 വരെയാണ് പാകിസ്ഥാനിലെ കറാച്ചിയിലും ഗ്വാഡറിലും വലയ സൂര്യഗ്രഹണം കണ്ടത്.
ശ്രീലങ്കയുടെ വടക്ക് കിഴക്കന്‍ പ്രദേശങ്ങളിലും ജാഫ്നയിലും സൂര്യഗ്രഹണം പ്രത്യക്ഷപ്പെട്ടു. രാവിലെ 9.34നാണ് ജാഫ്നയില്‍ സൂര്യഗ്രഹണം ദര്‍ശിക്കാനായത്. നാല് മിനിറ്റ് മാത്രമാണ് ജാഫ്നയില്‍ സൂര്യഗ്രഹണം ദര്‍ശിക്കാനായത്. പ്രാദേശിക സമയം 9.38ന് സൂര്യഗ്രഹണം അവസാനിച്ചു.