കാബൂൾ :അഫ്‌ഗാനിസ്ഥാനിൽ താലിബാന് ഭരണം. സര്‍ക്കാരും താലിബാനും തമ്മിലുള്ള അധികാര കൈമാറ്റ ചര്‍ച്ചകൾക്ക് ശേഷം അഷ്‌റഫ് ഗാനി പ്രസിഡന്‍റ് പദവിയൊഴിഞ്ഞു. പുതിയ പ്രസിഡന്‍റായി മുല്ല അബ്‌ദുൽ ഗാനി ബരാദറെ താലിബാൻ പ്രഖ്യാപിച്ചു.
അഫ്ഗാൻ സേനയുമായി ഒരു മാസം തുടര്‍ച്ചയായി നടത്തിയ ഏറ്റുമുട്ടലുകൾക്കൊടുവിലാണ് ഞായറാഴ്‌ച താലിബാൻ കാബൂളിൽ പ്രവേശിച്ചത്. തുടര്‍ന്ന് തന്ത്രപ്രധാന കേന്ദ്രം വരുതിയിലാക്കി. ഇതോടെയാണ് അധികാര കൈമാറ്റത്തിന് കളമൊരുങ്ങിയത്.
അഫ്‌ഗാന്‍ പ്രസിഡൻഷ്യൽ പാലസ് എആർജിയിലാണ് അധികാര കൈമാറ്റ യോഗം നടന്നത്. രാജ്യത്ത് രാഷ്‌ട്രീയ ഒത്തുതീർപ്പിന് ശ്രമിക്കണമെന്ന് യുഎസ്‌ പ്രസിഡന്‍റ് ജോ ബൈഡൻ കഴിഞ്ഞ ദിവസം ആവശ്യപ്പെട്ടിരുന്നു.
പല പ്രദേശങ്ങളിലും ഏറ്റുമുട്ടലിന് നിൽക്കാതെ അഫ്ഗാൻ സൈന്യം പിന്മാറുകയായിരുന്നു.