അഫ്‌ഗാനിസ്ഥാൻ സൈന്യം എട്ട് തീവ്രവാദികളെ വധിച്ചു

ഏറ്റുമുട്ടലിൽ നാല് തീവ്രവാദികൾക്ക് പരിക്കേറ്റു

കാബൂൾ: അഫ്‌ഗാനിസ്ഥാനിലെ വടക്കൻ ഫരിയാബ് പ്രവിശ്യയിൽ അഫ്‌ഗാൻ സൈന്യം എട്ട് തീവ്രവാദികളെ വധിച്ചു. താലിബാൻ ഒളിത്താവളത്തിൽ കടന്നാണ് സൈന്യം തീവ്രവാദികളെ വധിച്ചത്. ഏറ്റുമുട്ടലിൽ നാല് തീവ്രവാദികൾക്ക് പരിക്കേറ്റു. ഇവരുടെ താവളത്തിൽ നിന്ന് നിരവധി ആയുധങ്ങളും വെടിക്കോപ്പുകളും പിടിച്ചെടുത്തതായി പ്രാദേശിക സൈനിക വക്താവ് മുഹമ്മദ് ഹനീഫ് റെസായ് പറഞ്ഞു. സംഭവത്തില്‍ പ്രദേശത്തെ താലിബാൻ തീവ്രവാദികൾ ഇതുവരെ പ്രതികരിച്ചിട്ടില്ല.