വാഷിങ്ടണ്‍: വെള്ളിയാഴ്ചയുണ്ടായ ചുഴലിക്കാറ്റില്‍ ആമസോൺ ഗോഡൗണ്‍ കെട്ടിടം തകർന്ന് ആറ് മരണം. എഡ്വേർഡ്‌സ്‌വില്ലെ ഫയർ ഡിപ്പാർട്ട്‌മെന്‍റാണ് ഇക്കാര്യം പുറത്തുവിട്ടത്. ഇല്ലിനോയിസിലെ കമ്പനിയുടെ കെട്ടിടത്തിന്‍റെ മേല്‍ക്കൂര പൂര്‍ണമായും തകര്‍ന്നുവീണു.
നാൽപ്പത്തിയഞ്ച് പേരെ കെട്ടിടത്തിനുള്ളില്‍ നിന്ന് രക്ഷപ്പെടുത്തി. വ്യോമ മാര്‍ഗം ഒരാളെ ചികിത്സയ്ക്കായി പ്രാദേശിക ആശുപത്രിയിലേക്ക് മാറ്റി. “ഈ സംഭവത്തില്‍ ഉച്ചയ്ക്ക് മുമ്പ് അടിന്തര നടപടികള്‍ അവസാനിപ്പിച്ചു. ഇപ്പോൾ വീണ്ടെടുക്കലിൽ മാത്രമാണ് ഞങ്ങളുടെ ശ്രദ്ധ.'' മുതിര്‍ന്ന അഗ്‌നിശമന സേന ഉദ്യോഗസ്ഥന്‍ ജെയിംസ് വൈറ്റ്‌ഫോർഡ് ശനിയാഴ്ച വൈകുന്നേരം വാർത്താസമ്മേളനത്തിൽ പറഞ്ഞു.