വാഷിംഗ്ടൺ: വിസ നിരോധനം പ്രഖ്യാപിക്കുന്നതിനുമുമ്പ് ഉണ്ടായിരുന്ന ജോലികളിലേക്ക് മടങ്ങുന്ന തൊഴിലാളികൾക്ക് അമേരിക്കയിൽ പ്രവേശിക്കാൻ അനുവദിക്കുന്ന എച്ച് -1 ബി വിസകളുടെ ചില നിയമങ്ങളിൽ ട്രംപ് ഭരണകൂടം ഇളവ് വരുത്തി. പ്രാഥമിക വിസ കൈവശമുള്ളവർക്കൊപ്പം ആശ്രിതരെയും (ഭാര്യ, കുട്ടികൾ) യാത്ര ചെയ്യാൻ അനുവദിക്കുമെന്ന് യുഎസ് സ്റ്റേറ്റ് ഓഫ് അഡ്വൈസറി അറിയിച്ചു. യുഎസ് പ്രസിഡന്‍റ് ഡൊണാൾഡ് ട്രംപ് ജൂൺ 22നാണ് വിസ നിയന്ത്രണങ്ങൾ സംബന്ധിച്ച് പ്രഖ്യാപനത്തിൽ ഒപ്പിട്ടത്.
യുഎസിൽ വിസ നിയന്ത്രണങ്ങളിൽ ഇളവ് - യുഎസിൽ വിസ നിയന്ത്രണങ്ങളിൽ ഇളവ്\
ജോലികളിലേക്ക് മടങ്ങുന്ന തൊഴിലാളികൾക്ക് അമേരിക്കയിൽ പ്രവേശിക്കാൻ അനുവദിക്കുന്ന എച്ച് -1 ബി വിസകളുടെ ചില നിയമങ്ങളിൽ ട്രംപ് ഭരണകൂടം ഇളവ് വരുത്തി.
ട്രംപ്
സാങ്കേതിക വിദഗ്ധർ, സീനിയർ ലെവൽ മാനേജർമാർ, എച്ച് -1 ബി വിസ കൈവശമുള്ള മറ്റ് തൊഴിലാളികൾ എന്നിവരുടെ യാത്രയും ഭരണകൂടം അനുവദിച്ചു. കൊവിഡ് പ്രത്യാഘാതങ്ങൾ ലഘൂകരിക്കുക, തുടർ മെഡിക്കൽ ഗവേഷണം നടത്തുക എന്നീ ആവശ്യക്കാർക്കും, ഹെൽത്ത് കെയർ പ്രൊഫഷണലായോ ഗവേഷകനായോ പ്രവർത്തിക്കുന്ന വിസ ഉടമകൾക്കും ഭരണകൂടം യാത്രാനുമതി അനുവദിച്ചു.
പ്രതിരോധ വകുപ്പോ മറ്റൊരു യുഎസ് ഗവൺമെന്‍റ് ഏജൻസിയോ തിരിച്ചറിഞ്ഞ വ്യക്തികൾ, ഗവേഷണം നടത്തുക, ഐടി പിന്തുണ, സേവനങ്ങൾ അല്ലെങ്കിൽ യുഎസ് ഗവൺമെന്‍റ് ഏജൻസിക്ക് അത്യന്താപേക്ഷിതമായ മറ്റ് പദ്ധതികളിൽ ഏർപ്പെടുന്ന വ്യക്തികൾക്കും ഇളവുകൾ ബാധകമാണ്.