വാഷിങ്‌ടണ്‍: അമേരിക്കയില്‍ അഞ്ച് പേര്‍ക്ക് കൂടി ഒമിക്രോണ്‍ വകഭേദം സ്ഥിരീകരിച്ചു. ന്യൂയോര്‍ക്ക് നഗരത്തിലാണ് കൊറോണ വൈറസിന്‍റെ പുതിയ വകഭേദം റിപ്പോര്‍ട്ട് ചെയ്‌തതത്. ഇതോടെ രാജ്യത്തെ ഒമിക്രോണ്‍ കേസുകളുടെ എണ്ണം എട്ടായി.
നിലവില്‍ ആശങ്കപ്പെടേണ്ട സാഹചര്യമില്ലെന്നും ഒമിക്രോണ്‍ വകഭേദം തടയാനുള്ള മാര്‍ഗങ്ങള്‍ സ്വീകരിച്ചിട്ടുണ്ടെന്നും ന്യൂയോര്‍ക്ക് ഗവര്‍ണര്‍ അറിയിച്ചു. ജനങ്ങളോട് ബൂസ്‌റ്റര്‍ വാക്‌സിന്‍ എടുക്കാനും മാസ്‌ക് ധരിക്കാനും അദ്ദേഹം നിര്‍ദേശിച്ചു.