വാഷിങ്ടൺ:അമേരിക്കയിലെ എച്ച്-വൺ ബി വിസയുമായി ബന്ധപ്പെട്ട് 174 ഇന്ത്യാക്കാരടങ്ങുന്ന സംഘം പ്രസിഡന്‍റ് ട്രംപിനെതിരെ ലോസ്യൂട്ട് ഫയൽ ചെയ്‌തു. ജൂൺ 22ന് നടന്ന പ്രസിഡന്‍റ് പ്രഖ്യാപനത്തിലാണ് വർഷാവസാനം വരെ എച്ച് -1 ബി വർക്ക് വിസ നൽകുന്നത് താൽകാലികമായി നിർത്തിവെച്ചെന്ന് ഡൊണാൾഡ് ട്രംപ് പ്രഖ്യാപിച്ചത്. ചൊവ്വാഴ്‌ച കൊളംബിയ ജില്ലാ കോടതിയിലാണ് ലോസ്യൂട്ട് ഫയൽ ചെയ്‌തത്.
എച്ച്-വൺ ബി വിസ; യു.എസിലെ ഇന്ത്യാക്കാർ ലോസ്യൂട്ട് ഫയൽ ചെയ്‌തു
ചൊവ്വാഴ്‌ച കൊളംബിയ ജില്ലാ കോടതിയിലാണ് ലോസ്യൂട്ട് ഫയൽ ചെയ്‌തത്
എച്ച്-വൺ ബി വിസയുമായി ബന്ധപ്പെട്ട് 174 ഇന്ത്യക്കാർ ലോസ്യൂട്ട് ഫയൽ ചെയ്‌തു
പ്രസിഡന്‍റിന്‍റെ വിസാ നിയന്ത്രണങ്ങൾ നിയമവിരുദ്ധമാണെന്ന് പ്രഖ്യാപിക്കുകയോ നിലവിലുള്ള എച്ച് -1 ബി, എച്ച് -4 വിസകളുടെ വിഷയത്തിൽ തീരുമാനമെടുക്കാൻ സംസ്ഥാനത്തോട് ആവശ്യപ്പെടുകയോ ചെയ്യണമെന്നാണ് ഇന്ത്യാക്കാരുടെ ആവശ്യം. വൈദഗ്ധ്യം ആവശ്യമുള്ള പ്രത്യേക തൊഴിലിടങ്ങളിൽ വിദേശ തൊഴിലാളികളെ നിയമിക്കാൻ കമ്പനികൾക്ക് അനുമതി നൽകുന്ന വിസയാണ് എച്ച് -1 ബി വിസ. ഇന്ത്യ, ചൈന തുടങ്ങിയ രാജ്യങ്ങളിൽ നിന്ന് ഓരോ വർഷവും പതിനായിരക്കണക്കിന് ജീവനക്കാരാണ് ഇത്തരത്തിൽ ജോലിക്കായി അമേരിക്കയിൽ എത്തുന്നത്.
Last Updated : Jul 16, 2020, 6:25 PM IST