വാഷിങ്‌ടൺ: ഇന്ത്യ-ചൈന അതിർത്തി പ്രശ്‌നം സൂഷ്‌മമായി നിരീക്ഷിക്കുന്നതായും സമാധാനപരമായ പരിഹാരത്തിന് പിന്തുണ നൽകുന്നതായും അമേരിക്ക. അതിര്‍ത്തി മേഖലയായ ഗല്‍വാനില്‍ നിന്ന് ഇന്ത്യന്‍ സൈനികരും ചൈനീസ് സൈനികരും പിന്മാറിയെന്നും നിലവിലെ സ്ഥിതി സമാധാനപരമായി പരിഹരിക്കാൻ ഞങ്ങൾ ആഗ്രഹിക്കുന്നതായും അമേരിക്കൻ വക്താവ് അറിയിച്ചു. ഗല്‍വാനില്‍ ഇന്ത്യന്‍-ചൈനീസ് സൈനികർ തമ്മിലുണ്ടായ ഏറ്റുമുട്ടലില്‍ 20 ഇന്ത്യൻ സൈനികര്‍ വീരമൃത്യു വരിച്ചതിന് പിന്നാലെയാണ് അമേരിക്കയുടെ പ്രതികരണം.
ഇന്ത്യ-ചൈന സംഘർഷം; സമാധാനപരമായ പരിഹാരത്തിന് പിന്തുണ നൽകുന്നതായി അമേരിക്ക
ഇന്ത്യയും ചൈനയും തമ്മിലുള്ള സ്ഥിതിഗതികൾ സൂഷ്‌മമായി നിരീക്ഷിക്കുകയാണെന്നും നിലവിലെ സ്ഥിതി സമാധാനപരമായി പരിഹരിക്കുന്നതിന് പിന്തുണ നൽകുന്നതായും അമേരിക്ക വ്യക്തമാക്കി
ഇന്ത്യ-ചൈന സംഘർഷം; സമാധാനപരമായ പരിഹാരത്തിന് പിന്തുണ നൽകുന്നതായി അമേരിക്ക
ഇന്ത്യ-ചൈന സംഘർഷം; സമാധാനപരമായ പരിഹാരത്തിന് പിന്തുണ നൽകുന്നതായി അമേരിക്ക
20 സൈനികർ മരിച്ചുവെന്ന് ഇന്ത്യൻ സൈന്യം പ്രഖ്യാപിച്ചു, അവരുടെ കുടുംബങ്ങൾക്ക് ഞങ്ങൾ അനുശോചനം രേഖപ്പെടുത്തുന്നതായും വക്താവ് അറിയിച്ചു. പ്രധാനമന്ത്രി നരേന്ദ്ര മോദിയും അമേരിക്കൻ പ്രസിഡന്‍റ് ഡൊണാൾഡ് ട്രംപും തമ്മിൽ ഈ മാസം രണ്ടിന് നടന്ന ഫോൺ സംഭാഷണത്തിൽ ഇന്ത്യ-ചൈന അതിർത്തിയിലെ സ്ഥിതിഗതികൾ ചർച്ച ചെയ്‌തിരുന്നു. സംഘർഷത്തിൽ ഇരുസേനകൾക്കും കനത്ത നഷ്‌ടമുണ്ടായതായി വിദേശകാര്യ മന്ത്രാലയം അറിയിച്ചു.