ഹ്യൂസ്റ്റണ്‍: ലോകം മുഴുവന്‍ ഉറ്റുനോക്കുന്ന ഹൗഡി മോദിക്ക് എന്‍.ആര്‍.ജി. സ്റ്റേഡിയത്തില്‍ വർണാഭമായ തുടക്കം. ഭാരത് മാതാകീ ജയ് വിളിച്ചും ഡോലക്ക് കൊട്ടിയുമാണ് പതിനായിരക്കണക്കിന് ഇന്ത്യന്‍ വംശജർ പരിപാടിയുടെ ഭാഗമാകാന്‍ എത്തിയത്.
ടെക്സാസില്‍ നിന്നുള്ള സെനറ്റർ ജോണ്‍ കോർനിന്‍ ഉൾപ്പെടെയുള്ളവർ എന്‍.ആര്‍.ജി. സ്റ്റേഡിയത്തില്‍ എത്തി. ഇന്ത്യന്‍ പ്രധാനമന്ത്രി നരേന്ദ്രമോദിയും അമേരിക്കന്‍ പ്രസിഡന്റ് ഡൊണാള്‍ഡ് ട്രംപും വേദിയിലേക്ക് എത്തി.
ബോളിവുഡ് ഗാനങ്ങൾക്കൊപ്പം കലാകാരന്‍മാർ ചുവടുവെച്ചു. 400-ഓളം കലാകാരന്‍മാരാണ് പ്രകടനങ്ങളുടെ ഭാഗമായത്.