വാഷിംഗ്ടൺ: ഗൂഗിൾ അതിന്‍റെ ജനപ്രിയ ഡ്യുവോ ചാറ്റ് ആപ്ലിക്കേഷനിൽ ഒരേസമയം ഗ്രൂപ്പ് വീഡിയോ കോള്‍ ചെയ്യാവുന്നവരുടെ എണ്ണം 32 ആയി ഉയര്‍ത്തി. നേരത്തെ 12 പേര്‍ക്ക് മാത്രമായിരുന്നു ഒരു ഗ്രൂപ്പ് കോളില്‍ അംഗങ്ങളാവാന്‍ കഴിഞ്ഞിരുന്നത്. കൊവിഡ് സാഹചര്യം പരിഗണിച്ചാണ് പുതിയ അപ്ഡേഷന്‍.
ഡ്യുവോ ആപ്പില്‍ ഉപഭോക്താക്കള്‍ ആവശ്യപ്പെട്ട ഫീച്ചര്‍, ഒരേ സമയം 32 പേരുമായി വീഡിയോ കോള്‍ ചെയ്യാവുന്ന സൗകര്യം ഗൂഗിള്‍ ക്രോമിന്‍റെ ഏറ്റവും പുതിയ വേര്‍ഷനില്‍ ഇന്ന് മുതല്‍ ലഭ്യമാകും. ഗൂഗിള്‍ സീനിയര്‍ ഡയറക്ടര്‍ സനാസ് അന്‍സാരി ട്വീറ്റ് ചെയ്തു. നിലവില്‍ ഒരേ സമയം 100 പേരുമായി വരെ വീഡിയോ കോള്‍ ചെയ്യാന്‍ സൗകര്യമുള്ള ‘സൂം’ ഗ്രൂപ്പ് വീഡിയോ കോള്‍ ആപ്ലിക്കേഷനില്‍ മുന്നില്‍ നില്‍ക്കുന്നത്. സ്കൈപ്പില്‍ ഒരേ സമയം 50 പേരുമായി കണ്ട് സംസാരിക്കാനാവും. ആപ്പിളിന്‍റെ ഫേസ് ടൈമും ഡ്യുവോയുിടെ പുതിയ അപ്ഡേഷനിലേപോലെ 32 പേരുമായി സംവദിക്കാനുള്ള സൗകര്യമാണ് നല്‍കുന്നത്.