കാലിഫോർണിയ: നടനും കാലിഫോർണിയ മുൻ ഗവർണറുമായിരുന്ന അർനോൾഡ് ഷ്വാര്സ്നഗറിന് നേരെ ആക്രമണം. ദക്ഷിണാഫ്രിക്കയില്‍ ഒരു പൊതുപരിപാടിക്കിടെയാണ് ആക്രമണമുണ്ടായത്. ക്ലാസിക് ആഫ്രിക്ക സ്‌പോര്‍ട്ടിങ് പരിപാടിക്കിടെ ആരാധകരുമായി സംവദിക്കുമ്പോഴാണ് അര്‍നോള്‍ഡിന് നേരെ ആക്രമണമുണ്ടായത്. ആരാധകരുമായി സ്നാപ് ചാറ്റ് വീഡിയോ പകർത്തുന്നതിനിടെ പിന്നിലൂടെ വന്ന യുവാവ് ചാടി ചവിട്ടുകയായിരുന്നു. അപ്രതീക്ഷിത ആക്രമണത്തിൽ അർനോൾഡ് മുന്നോട്ടായുകയും യുവാവ് നിലത്ത് വീഴുകയും ചെയ്തു. ഉടൻ തന്നെ സുരക്ഷാജീവനക്കാർ യുവാവിനെ പിടികൂടി. സംഭവത്തിന്‍റെ വീഡിയോ സമൂഹമാധ്യങ്ങളില്‍ വ്യാപകമായി പ്രചരിക്കുകയാണ്.
അർനോൾഡിനെ ആക്രമിക്കുന്ന വീഡിയോ ദൃശ്യങ്ങൾ