കാനഡയിൽ അജ്ഞാതരുടെ വെടിയേറ്റ് ഒരാൾ മരിച്ചു;മൂന്ന് പേർക്ക് പരിക്ക്

കാനഡയിലെ പാർലമെന്‍റിന് സമീപമായിരുന്നു ആക്രമണം. കരുതിക്കൂട്ടിയുള്ള ആക്രമണമായിരുന്നുവെന്ന് പൊലീസ് .

ഒട്ടാവ: കാനഡയുടെ തലസ്ഥാനമായ ഒട്ടാവയിൽ അജ്ഞാതരുടെ വെടിയേറ്റ് ഒരാൾ മരിച്ചു. മൂന്ന് പേർക്ക് പരിക്കേറ്റു. ഒരു കുടുംബത്തിലെ അംഗങ്ങൾക്ക് നേരെയാണ് താമസസ്ഥലത്ത് ആക്രമണം ഉണ്ടായത്. മാന്യോക് അകോൾ( 18 ) ആണ് മരിച്ചത്. പരിക്കേറ്റ മറ്റ് മൂന്നു പേരും ആൺകുട്ടികളാണ്.

കരുതിക്കൂട്ടിയുള്ള ആക്രമണമായിരുന്നുവെന്ന് പൊലീസ് പറഞ്ഞു. സംഭവത്തിൽ കൂടുതൽ അന്വേഷണം നടന്നുവരികയാണ്. കാനഡയിലെ പാർലമെന്‍റിന് സമീപമായിരുന്നു ആക്രമണം. സംഭവത്തിൽ കനേഡിയൻ പ്രധാനമന്ത്രി ജസ്റ്റിൻ ട്രൂഡോ അപലപിച്ചു.