ഇസ്രയേൽ പ്രസിഡന്‍റിന്‍റെ വൈറ്റ് ഹൗസ് സന്ദർശനം ജൂണ്‍ 28ന്

റുവെൻ റിവ്‌ലിന്‍റെ സന്ദർശനം ഇരു രാജ്യങ്ങളിലെയും ജനങ്ങളും സർക്കാരും തമ്മിലുള്ള ബന്ധം ശക്തിപ്പെടുത്തുമെന്ന് വൈറ്റ് ഹൗസ് വക്താവ് ജെൻ സാക്കി.

വാഷിംഗ്‌ടണ്‍: അമേരിക്കൻ പ്രസിഡന്‍റ് ജോ ബൈഡനും ഇസ്രയേൽ പ്രസിഡന്‍റ് റുവെൻ റിവ്‌ലിനും തമ്മിൽ കൂടിക്കാഴ്‌ച നടത്തും. ഈ മാസം 28ന് വൈറ്റ് ഹൗസിൽ വെച്ചാകും ഇരുവരും ചര്‍ച്ച നടത്തുക.

റുവെൻ റിവ്‌ലിന്‍റെ സന്ദർശനം ഇരു രാജ്യങ്ങളിലെയും ജനങ്ങളും സർക്കാരും തമ്മിലുള്ള ബന്ധം ശക്തിപ്പെടുത്തുമെന്ന് വൈറ്റ് ഹൗസ് വക്താവ് ജെൻ സാക്കി പറഞ്ഞു.

എഴുവർഷത്തെ കാലാവധി അവസാനിച്ച് ജൂലൈയിൽ പ്രസിഡന്‍റ് സ്ഥാനം ഒഴിയാനിരിക്കെയാണ് റുവെൻ റിവ്‌ലിന്‍റെ അമേരിക്കൻ സന്ദർശനം.

മുൻ ലേബർ പാര്‍ട്ടി ചെയർമാനും പ്രതിപക്ഷ നേതാവുമായ ഐസക് ഹെർസോഗിനെ പുതിയ പ്രസിഡന്‍റായി ഇസ്രയേൽ പാർലമെന്‍റ് ഈ മാസം തെരഞ്ഞെടുത്തിരുന്നു.