ചെന്നൈ: പെഗാസസ് അന്വേഷണ റിപ്പോർട്ട് തെറ്റിധരിപ്പിക്കുന്നതാണെന്ന് ചൂണ്ടിക്കാട്ടി ന്യൂയോർക്ക് ടൈംസിന് ലീഗൽ നോട്ടിസ്. മദ്രാസ് ഹൈക്കോടതി അഭിഭാഷകൻ എം ശ്രീനിവാസനാണ് വക്കീൽ നോട്ടീസ് അയച്ചത്. ഒരാഴ്‌ചയ്ക്കുള്ളിൽ മാപ്പ് പറയണമെന്നും ഇല്ലെങ്കിൽ 100 കോടി രൂപയുടെ നഷ്‌ടപരിഹാരം നൽകേണ്ടി വരുമെന്നും നോട്ടീസിൽ പറയുന്നു.
ടൈംസിന്‍റെ റിപ്പോർട്ട് രാജ്യത്തിന്‍റെ അന്തസിന് കോട്ടം വരുത്തിയെന്ന നിലപാടിലാണ് ശ്രീനിവാസൻ. ഇസ്രയേലിലെ എൻഎസ്ഒ ഗ്രൂപ്പ് വിഷയം സ്ഥിരീകരിച്ചിട്ടില്ല. അതുകൊണ്ട് തന്നെ ന്യൂയോർക്ക് ടൈംസിന്‍റെ റിപ്പോർട്ട് ദുരുദ്ദേശപരമാണെന്നും നോട്ടീസിൽ അഭിഭാഷകൻ പറയുന്നു.