വാഷിങ്ടൺ:അമേരിക്കയിലെ ചിക്കാഗോ നഗരത്തിൽ വെടിവയ്പ്പ്. ആക്രമണത്തിൽ ഒരാൾ മരിക്കുകയും ഒമ്പത് പേർക്ക് ഗുരുതരമായി പരിക്കേല്‍ക്കുകയും ചെയ്തതായി ഔദ്യോഗിക വൃത്തങ്ങൾ അറിയിച്ചു. ചിക്കാഗോ നഗരത്തിന്‍റെ തെക്ക് ഭാഗത്തായിരുന്നു വെടിവയ്പ്പുണ്ടായത്.
Also Read:മെഹുല്‍ ചോക്‌സിക്ക് ജാമ്യം നിഷേധിച്ച് ഡൊമിനിക്കൻ ഹൈക്കോടതി
പ്രാദേശിക സമയം പുലർച്ചെ രണ്ട് മണിയോടെയായിരുന്നു സംഭവം. റോഡരികിൽ നിന്നിരുന്ന സംഘത്തിനടുത്തേക്ക് അക്രമികൾ എത്തി നിറയൊഴിക്കുകയായിരുന്നു എന്ന് പൊലീസ് പറഞ്ഞു. 29 വയസുകാരിയായ യുവതിയാണ് വെടിവയ്പ്പിൽ കൊല്ലപ്പെട്ടത്.
Also Read:ഇപ്രാവശ്യവും ഹജ്ജ് സൗദിയിലുള്ളവര്‍ക്ക് മാത്രം
മരിച്ച യുവതിക്ക് കാലിനും വയറിനുമാണ് വെടിയേറ്റത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പരിക്കേറ്റ മറ്റ് ഒമ്പത് പേരും പ്രാദേശിക ആശുപത്രികളിൽ ചികിത്സയിലാണ്. ആക്രമണത്തിന്‍റെ കാരണം ഇതുവരെ വ്യക്തമായിട്ടില്ല.