ഗൂ​ഗിൾ സിഇഒ സുന്ദർ പിച്ചെക്കെതിരെ കേസെടുത്ത് മുംബൈ പൊലീസ്

ചലച്ചിത്ര സംവിധായകനായ സുനീൽ ദർശൻ എന്നയാളാണ് ​ഗൂ​ഗിളിനെതിരെ പൊലീസിൽ പരാതി നൽകിയത്

മുംബൈ: ​ഗൂ​ഗിൾ സിഇഒ സുന്ദർ പിച്ചെക്കെതിരെ കേസെടുത്ത് മുംബൈ പൊലീസ്. പകർപ്പവകാശ നിയമലംഘനത്തിനാണ് കേസ്. പിച്ചെക്കും ​ഗൂ​ഗിളിന്‍റെ മറ്റ് അഞ്ച് ഉദ്യോ​ഗസ്ഥർക്കുമെതിരെയാണ് കേസ് രജിസ്റ്റർ ചെയ്‌തിരിക്കുന്നത്.

കോടതിയുടെ നിർദേശപ്രകാരമാണ് പിച്ചെക്കും മറ്റ് ഉദ്യോ​ഗസ്ഥർക്കുമെതിരെ കേസെടുത്തിരിക്കുന്നതെന്ന് മുംബൈ പൊലീസ് വ്യക്തമാക്കി. ചലച്ചിത്ര സംവിധായകനായ സുനീൽ ദർശൻ എന്നയാളാണ് ​ഗൂ​ഗിളിനെതിരെ പൊലീസിൽ പരാതി നൽകിയത്. സുനീൽ ദർശന്‍റെ 'ഏക് ഹസീന തി ഏക് ദിവാനാ താ' എന്ന ചിത്രം യൂട്യൂബിൽ അപ്‌ലോഡ് ചെയ്യാൻ അനുമതിയില്ലാത്ത വ്യക്തികളെ അനുവദിച്ചുവെന്നാണ് പരാതി.