Salman Khan Drops New Poster of Katrina Kaif in Tiger 3 : ആക്ഷനിൽ കസറാൻ കത്രീന കൈഫ്; 'ടൈഗർ 3' പുതിയ പോസ്റ്റർ പുറത്ത്

Katrina Kaif as Zoya in Tiger 3 : സൽമാൻ ഖാൻ നായകനാകുന്ന ചിത്രത്തില്‍ സോയ എന്ന കഥാപാത്രത്തെയാണ് കത്രീന അവതരിപ്പിക്കുന്നത്.

ഹൈദരാബാദ്:തിയേറ്ററുകളില്‍ വെന്നിക്കൊടി പാറിച്ച, കലക്ഷൻ റെക്കോഡുകൾ തകർത്തെറിഞ്ഞ ഷാരൂഖ് ഖാന്‍റെ 'പത്താൻ', 'ജവാൻ' (Shah Rukh Khan's 'Pathaan' and 'Jawan') എന്നീ സിനിമകൾക്ക് ശേഷം ഇപ്പോൾ ബോളിവുഡ് ഉറ്റുനോക്കുന്നത് സൽമാൻ ഖാന്‍റെ (Salman Khan) പുതിയ ചിത്രത്തിലേക്കാണ്. 'ടൈഗർ 3'യും (Tiger 3) ആയാണ് സൽമാൻ ഖാൻ എത്തുന്നത്. 'ടൈഗർ' ഫ്രാഞ്ചൈസിയുടെ മൂന്നാം ഭാഗത്തിനായി ആവേശത്തോടെ കാത്തിരിക്കുകയാണ് ആരാധകരും സിനിമാലോകവും.

മനീഷ് ശർമ്മ സംവിധാനം ചെയ്യുന്ന ഈ ചിത്രത്തിൽ കത്രീന കൈഫാണ് നായികയായി എത്തുന്നത്. ഇപ്പോഴിതാ കത്രീനയുടെ പുതിയ പോസ്റ്റർ പുറത്തു വിട്ടിരിക്കുകയാണ് നായകൻ സൽമാൻ ഖാൻ (Salman Khan Drops New Poster of Katrina Kaif in Tiger 3). 'സോയ' എന്ന കഥാപാത്രത്തെയാണ് കത്രീന കൈഫ് സിനിമയിൽ അവതരിപ്പിക്കുന്നത്.

ശക്തമായ കഥാപാത്രം തന്നെയാകും സോയ എന്ന് ഉറപ്പ് തരുന്നതാണ് പോസ്റ്റർ (Katrina Kaif as Zoya in Tiger 3). തോക്കുമായി കയറിൽ തൂങ്ങിയുള്ള കത്രീന കൈഫിന്‍റെ ചിത്രം സോഷ്യല്‍ മീഡിയയിൽ ഇതിനോടകം വൈറലായി മാറി. ആക്ഷനിൽ താരം ഞെട്ടിക്കുമെന്നാണ് ആരാധകരുടെ പ്രതീക്ഷ.

ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നായ 'ടൈഗർ 3'യിൽ ഇമ്രാൻ ഹാഷ്‌മിയും പ്രധാന വേഷത്തിൽ അഭിനയിക്കുന്നുണ്ട്. അടുത്ത മാസം (2023 നവംബർ) 10 ന് 'ടൈഗർ 3' തിയേറ്ററുകളിൽ എത്തും. അതേസമയം ചിത്രത്തിന്‍റെ കൂടുതൽ വിവരങ്ങൾ നിർമാതാക്കൾ ആരാധകരുമായി പങ്കുവച്ചിട്ടില്ല.

കൂടാതെ സിനിമയുടെ ടീസറോ ട്രെയിലറോ ഇതുവരെ പുറത്തുവിട്ടിട്ടുമില്ല. അതേസമയം ഒക്‌ടോബർ 16 ന് ചിത്രത്തിന്‍റെ ട്രെയിലർ പുറത്തിറങ്ങുമെന്നാണ് നിർമാതാക്കൾ അറിയിച്ചിരിക്കുന്നത്.

നിഗൂഢമായ ആ പെൺകുട്ടി ആരെന്ന് വെളിപ്പെടുത്തി സല്‍മാന്‍ ഖാന്‍: കഴിഞ്ഞ ദിവസം ബോളിവുഡ് സൂപ്പർസ്റ്റാർ സല്‍മാന്‍ ഖാന്‍ ഇന്‍സ്‌റ്റഗ്രാമില്‍ പങ്കുവച്ച പോസ്റ്റർ വൈറലായിരുന്നു (Salman Khan Instagram Post). ബീയിങ് ഹ്യൂമന്‍ ക്ലോത്തിങ് എന്ന തന്‍റെ വസ്‌ത്ര ശേഖരണ ബ്രാന്‍ഡ് കലക്ഷനില്‍ (Being Human clothing) നിന്നുള്ള ചിത്രമാണ് താരം ഇന്‍സ്‌റ്റഗ്രാമില്‍ പങ്കുവച്ചത്.

അലീസെ അഗ്‌നിഹോത്രിയും ചിത്രത്തിൽ സല്‍മാനൊപ്പം കാണാം. സൽമാന്‍ ഖാന്‍റെ സഹോദരി അൽവിറ ഖാൻ അഗ്നിഹോത്രിയുടെയും, നടനും സംവിധായകനുമായ അതുൽ അഗ്നിഹോത്രിയുടെയും മകളാണ് അലിസെ (Salman Khan niece Alizeh Agnihotri). സല്‍മാന്‍ അലിസെയ്‌ക്കൊപ്പമുള്ള രണ്ട് ചിത്രങ്ങളാണ് ഇൻസ്‌റ്റഗ്രാമില്‍ പങ്കുവച്ചത് (Salman Khan with Alizeh Agnihotri). 'എന്‍റെ ഹൃദയത്തോട് ഹലോ പറയുക' എന്നും ചിത്രത്തില്‍ പരാമര്‍ശിച്ചിട്ടുണ്ട്.