ആഷിഖ് ഉസ്‌മാൻ പ്രൊഡക്ഷൻസിന്‍റെ പുതിയ ചിത്രം 'തുണ്ടി'ന് തുടക്കം. ബിജു മേനോൻ പ്രധാന വേഷത്തിൽ എത്തുന്ന ഈ ചിത്രം നവാഗതനായ റിയാസ് ഷെരീഫാണ് കഥയെഴുതി സംവിധാനം ചെയ്യുന്നത്. തല്ലുമാല, അയൽവാശി എന്നീ ചിത്രങ്ങളാണ് ആഷിഖ് ഉസ്‌മാൻ പ്രൊഡക്ഷൻസിന്‍റെ ബാനറിൽ ഏറ്റവും ഒടുവിൽ പുറത്തിറങ്ങിയത് (Biju Menon starring 'Thund' Movie Shooting Started).
ആഷിഖ് ഉസ്‌മാൻ നിർമിക്കുന്ന പതിനഞ്ചാമത്തെ ചിത്രമാണ് 'തുണ്ട്'. പ്രശസ്‌ത ഛായാഗ്രാഹകൻ ജിംഷി ഖാലിദും ഈ ചിത്രത്തിന്‍റെ നിർമാണ പങ്കാളിയാണ്. ഒപ്പം 'തുണ്ടി'നായി അദ്ദേഹം ക്യാമറയും കൈകാര്യം ചെയ്യുന്നുണ്ട്.
സംവിധായകൻ റിയാസ് ഷെരീഫും കണ്ണപ്പനും ചേർന്നാണ് ചിത്രത്തിന്‍റെ തിരക്കഥയും സംഭാഷണവും ഒരുക്കുന്നത്. പ്രശസ്‌ത സംഗീത സംവിധായകൻ വിഷ്‌ണു വിജയ് ആണ് 'തുണ്ടി'ന് വേണ്ടി സംഗീതം ഒരുക്കുന്നത്. മു.രി (Mu.Ri)യുടേതാണ് വരികൾ.
നമ്പു ഉസ്‌മാൻ എഡിറ്റിംഗും ആഷിഖ് എസ് ആർട്ടും നിർവഹിക്കുന്ന ചിത്രത്തിനായി സംഘട്ടനം ഒരുക്കുന്നത് ജോളി ബാസ്റ്റിനാണ്. സൗണ്ട് ഡിസൈൻ - വിക്കി കിഷൻ, പ്രൊഡക്ഷൻ കൺട്രോളർ - സുധർമ്മൻ വള്ളിക്കുന്ന്, ഫൈനൽ മിക്‌സ് - എം ആർ രാജാകൃഷ്‌ണൻ, കോസ്റ്റ്യൂം - മാഷർ ഹംസ, മേക്കപ്പ് - റോണക്‌സ് സേവ്യർ, കൊറിയോഗ്രാഫി - ഷോബി പോൾരാജ്, ചീഫ് അസോസിയേറ്റ് ഡയറക്‌ടർ - അഗസ്റ്റിൻ ഡാൻ, അസോസിയേറ്റ് ഡയറക്‌ടർ - ഹാരിഷ്‌ ചന്ദ്ര, സ്റ്റിൽസ് - രോഹിത് കെ സുരേഷ്, വിതരണം - സെൻട്രൽ പിക്‌ചേഴ്‌സ്, മാർക്കറ്റിങ് പ്ലാൻ & സ്‌ട്രാറ്റജി - ഒബ്‌സ്‌ക്യൂറ എന്‍റർടെയ്‌ൻമെൻസ്, ഡിസൈൻ - ഓൾഡ് മോങ്ക്.