മുംബൈ: 'ദി ലേഡി കില്ലർ' എന്ന ത്രില്ലർ സിനിമയ്‌ക്ക് ശേഷം അർജുൻ കപൂറും ഭൂമി പെഡ്‌നേക്കറും വീണ്ടും ഒന്നിക്കുന്നു. പുതിയ റൊമാന്‍റിക്ക് കോമഡി ചിത്രത്തിനായി താരങ്ങൾ ഒപ്പുവെച്ചുവെന്നാണ് വാർത്തകൾ. സിനിമയുടെ ചിത്രീകരണങ്ങൾ ആരംഭിക്കുന്നതിനായി താരങ്ങൾ ലണ്ടനിലേക്ക് പോയിരിക്കുകയാണ്.
ചിത്രത്തിന് ഇതുവരെ പേര് കണ്ടെത്തിയിട്ടില്ലെങ്കിലും ചിത്രത്തിൽ രസകരമായ താരനിരയായിരിക്കുമെന്നും വലിയ ജനക്കൂട്ടത്തെ സിനിമയ്‌ക്ക് ആകർഷിക്കാൻ കഴിഞ്ഞേക്കുമെന്നാണ് സൂചന. മുദസ്സർ അസീസ് ആണ് ചിത്രം സംവിധാനം ചെയ്യുന്നത്. സെപ്‌തംബർ 12ന് ശേഷം സിനിമയുടെ ചിത്രീകരണം ആരംഭിക്കും. ഏകദേശം 30 ദിവസം ലണ്ടനിൽ ചിത്രീകരണം നടത്തും.