Alphonse Puthren request to Kerala Governor: അന്ധവിശ്വാസ കൊലപാതകങ്ങളിലും ഷാരോണ്‍ വധ കേസിലും ഗവര്‍ണര്‍ ആരിഫ്‌ മുഹമ്മദ് ഖാന്‍ ശക്തമായ നടപടിയെടുക്കണമെന്ന് സംവിധായകന്‍ അല്ഫോന്സ് പുത്രന്‍. രണ്ടു കേസിലും ആര്‍ട്ടിക്കിള്‍ 161 ഉപയോഗിച്ച് അനുയോജ്യമായ ശിക്ഷ ഉറപ്പാക്കണമെന്ന് അല്ഫോന്സ് പുത്രന്‍ വ്യക്തമാക്കി. ഫേസ്‌ബുക്കിലൂടെയായിരുന്നു സംവിധായകന്‍റെ പ്രതികരണം.
Alphonse Puthren Facebook post: സാധാരണയായി ആളുകള്‍ ദൈവത്തോടാണ് പ്രാര്‍ഥിക്കാറുള്ളതെന്നും ഇവിടെ താന്‍ ഗവര്‍ണറോട് അഭ്യര്‍ഥിക്കുകയാണെന്നും സംവിധായകന്‍ കുറിച്ചു. 'ബഹുമാനപ്പെട്ട കേരള ഗവര്‍ണര്‍. ഒരു ഇന്ത്യന്‍ പൗരന്‍ എന്ന നിലയില്‍, നീതീകരിക്കാനാവാത്ത രണ്ട് അന്ധ വിശ്വാസ കൊലപാതക കേസുകളില്‍ കര്‍ശനമായ നടപടി സ്വീകരിക്കാന്‍ ഞാന്‍ നിങ്ങളോട് അഭ്യര്‍ഥിക്കുന്നു. ഇന്ന് സ്ഥിരീകരിച്ച ഷാരോണ്‍ വധക്കേസിലും നരബലി കേസിലും. രണ്ടും ആസൂത്രിത കൊലപാതകങ്ങളാണെന്ന് പൊലീസ് പറയുന്നു.