Who Is Your Gynac Saba Azad Cryptic Post 'ആരാണ് നിങ്ങളുടെ ഗൈനാക്', ആശയക്കുഴപ്പത്തിലാക്കി സബ ആസാദിന്‍റെ പുതിയ പോസ്റ്റ്

Hrithik Roshan Reacted on Saba Azad's post : പ്രണയിനിയുടെ ഏറ്റവും പുതിയ പോസ്റ്റിന് ഹൃത്വിക്ക് അഭിപ്രായമൊന്നും പറയാതെ ലൈക്ക് ചെയ്‌തിരിക്കുകയാണ്

ഹൈദരാബാദ്: സോഷ്യൽ മീഡിയയില്‍ 'ആരാണ് നിങ്ങളുടെ ഗൈനാക്' എന്ന വ്യത്യസ്‌ത പോസ്റ്റ് പങ്കുവച്ച് സബ ആസാദ് (Who is your gynac Saba Azad cryptic post). താരം തന്‍റെ പുതിയ ഇൻസ്റ്റഗ്രാം പോസ്റ്റിലൂടെ ആരാധകരെ ആശയക്കുഴപ്പത്തിലാക്കി. സബ എന്താണ് സൂചിപ്പിക്കുന്നതെന്ന് മനസിലാക്കാൻ ആരാധകർ കഠിനമായി ശ്രമിക്കുമ്പോൾ സൂപ്പർ സ്റ്റാർ ഹൃത്വിക് റോഷൻ പോസ്റ്റിന് ലൈക്ക് ചെയ്യുകയും ചെയ്‌തു (Hrithik Roshan liked the post).

ഇൻസ്റ്റഗ്രാമിലൂടെ 'ആരാണ് നിങ്ങളുടെ ഗൈനാക്' (Who's your gynac) എന്നെഴുതിയ ഒരു പോസ്റ്റ് താരം പങ്കിട്ടു. "ഈയിടെയായി എന്‍റെ മനസ്സിൽ ഒരു ചോദ്യം മാത്രം #WhosYourGynac?" എന്ന അടിക്കുറിപ്പോടെയാണ് സബ പോസ്റ്റില്‍ അവ്യക്തതകൾ നിറച്ചത്.

സബ പോസ്റ്റ് ചെയ്‌തതിന് തൊട്ടുപിന്നാലെ, "#WhosYourGynac?" എന്നതുകൊണ്ട് എന്താണ് ഉദ്ദേശിക്കുന്നതെന്ന് വ്യക്തമാക്കാനുള്ള ചോദ്യങ്ങളും അഭ്യർഥനകളും കൊണ്ട് കമന്‍റ് സെക്ഷൻ നിറഞ്ഞു. ഏറ്റവും പുതിയ പോസ്റ്റ് സബയും ഹൃത്വിക്കും കുട്ടിയെ പ്രതീക്ഷിക്കുന്നു എന്ന രീതിയിലും വരാനിരിക്കുന്ന പ്രോജക്റ്റുകളുടെ പ്രമോഷനെക്കുറിച്ചാണെന്നും സോഷ്യൽ മീഡിയയില്‍ പ്രചരിക്കുന്നു. സബ എന്താണ് സൂചിപ്പിക്കുന്നതെന്ന് നെറ്റ്‌സൈനുകൾ ഇതുവരെ ഡീകോഡ് ചെയ്‌തിട്ടില്ലെങ്കിലും, പ്രണയിനിയുടെ ഏറ്റവും പുതിയ പോസ്റ്റിന് ഹൃത്വിക്ക് അഭിപ്രായമൊന്നും പറയാതെ ലൈക്ക് ചെയ്‌തിരിക്കുകയാണ്.

2022 ഫെബ്രുവരിയില്‍ ഡിന്നര്‍ ഡെയ്റ്റിനിടയില്‍ ഇരുവരെയും കണ്ടതിന് ശേഷമാണ് ഹൃത്വിക്കും സബയും തമ്മിലുള്ള ബന്ധത്തെക്കുറിച്ചുള്ള അഭ്യൂഹങ്ങൾ പരക്കാൻ തുടങ്ങിയത്. ദമ്പതികൾ പലതവണ ഒരുമിച്ച് കാണപ്പെടുകയും പിന്നീട് കരണ്‍ ജോഹറിന്‍റെ 50-ാം പിറന്നാൾ ആഘോഷത്തിനിടയില്‍ കൈകോർത്ത് താരങ്ങളെ കണ്ടതോടെയാണ് പ്രണയ ജീവിതത്തെക്കുറിച്ചുള്ള ഊഹാപോഹങ്ങൾ പരന്നത്. ഹൃത്വിക്കിന്‍റെ മുൻ ഭാര്യ സൂസന്ന ഖാനുമായും സബ നന്നായി ഇടപഴകുന്നതായി കാണപ്പെട്ടു.

ബോളിവുഡില്‍ ഏറ്റവുമധികം ചര്‍ച്ച ചെയ്യപ്പെടുന്ന രണ്ട് പേരുകളാണ് ഹൃത്വിക് റോഷനും സബ അസാദും. സോഷ്യല്‍ മീഡിയയില്‍ സജീവമായ താരങ്ങള്‍ പലപ്പോഴും, പോസ്‌റ്റുകള്‍ പങ്കുവച്ച് ആരാധകരുടെ ശ്രദ്ധ ആകര്‍ഷിക്കാറുണ്ട്. സബ ഈയിടെ തന്‍റെ കാമുകന്‍ ഹൃത്വിക് റോഷന്‍ പകര്‍ത്തിയ ഒരുകൂട്ടം ചിത്രങ്ങള്‍ ഇന്‍സ്‌റ്റഗ്രാമില്‍ പങ്കുവെച്ചിരുന്നു. ഹൃത്വിക്കിന്‍റെ ഫോട്ടോഗ്രഫി കഴിവുകളെ അഭിനന്ദിക്കാനും സബ മറന്നില്ല. മനോഹരമായൊരു കുറിപ്പും സബ പങ്കുവച്ചിരുന്നു. ചിത്രത്തില്‍ കറുപ്പ് നിറമുള്ള ഒരു ക്രോപ്പ് ടോപ്പും ചാര നിറമുള്ള ക്യാപുമാണ് സബ ധരിച്ചിരിക്കുന്നത്. ബേക്കണ്‍ കഴിക്കുന്ന സബ, ഹൃത്വിക്കിന്‍റെ ക്യാമറയ്‌ക്ക് പോസ്‌ ചെയ്യുന്നതാണ് പങ്കുവച്ച ചിത്രങ്ങളില്‍ കാണാനാവുക.