ഹൈദരാബാദ് : ഇന്ന് മുപ്പത്തിയഞ്ചാം പിറന്നാൾ ആഘോഷിക്കുന്ന നടി അനുഷ്‌ക ശർമയ്ക്ക് പങ്കാളിയും ക്രിക്കറ്റ് താരവുമായ വിരാട് കോലിയുടെ ആശംസ. 'എന്‍റെ എല്ലാമെല്ലാമായവൾക്ക് പിറന്നാൾ ആശംസ' എന്നെഴുതി അനുഷ്‌കയുടെ നിരവധി ഭാവങ്ങളിലുള്ള ചിത്രങ്ങൾ സഹിതമാണ് വിരാടിന്‍റെ ആശംസ. 'നിന്‍റെ ക്യൂട്ട് മാഡ്‌നസിനെ ഞാൻ സ്‌നേഹിക്കുന്നു' എന്ന കമന്‍റോടെയുമാണ് ചിത്രങ്ങൾ പങ്കുവച്ചിരിക്കുന്നത്.
ഇൻസ്‌റ്റഗ്രാം, ട്വിറ്റർ അടക്കമുള്ള സോഷ്യൽ മീഡിയ പ്ലാറ്റ്‌ഫോമിൽ ആണ് താരം ചിത്രങ്ങൾ പോസ്റ്റ് ചെയ്‌തത്. തങ്ങളുടെ അവധിക്കാല ചിത്രങ്ങളിൽ നിന്നുള്ളവയാണ് പങ്കുവച്ചത്. ബീച്ച്‌വെയറിലെ ഹോട്ട് ചിത്രം മുതൽ ഇരുവരുമുള്ള ക്യൂട്ട് കപ്പിൾ ഫോട്ടോയും വിരാട് കോലി പോസ്റ്റ് ചെയ്‌തവയിലുണ്ട്.