വിനയ് ഫോര്‍ട്ട് Vinay Fort, അനു സിത്താര Anu Sithara എന്നിവരെ കേന്ദ്രകഥാപാത്രങ്ങളാക്കി സര്‍ജു രമാകാന്ത് Sarju Remakanth സംവിധാനം ചെയ്യുന്ന പുതിയ ചിത്രമാണ് 'വാതില്‍' Vaathil. ചിത്രത്തിലെ 'കനിവേ എവിടെ' Kanive Evide എന്ന ഗാനത്തിന്‍റെ ലിറിക്കല്‍ വീഡിയോ ഗാനം പുറത്തിറങ്ങി. സിനിമയിലെ രണ്ടാമത്തെ ഗാനമാണിത്.
വിനായക് ശശികുമാറിന്‍റെ വരികൾക്ക് സെജോ ജോണിന്‍റെ Sejo John സംഗീതത്തില്‍ രാഹുൽ നമ്പ്യാർ ആണ് ഈ മനോഹര ഗാനം ആലപിച്ചിരിക്കുന്നത്. സംഗീതാസ്വാദകരുടെ കാതിനെയും ഹൃദയത്തെയും തൊട്ടുണര്‍ത്തുന്നതാണ് 'കനിവേ എവിടെ തിരയും വഴികള്‍' എന്ന് തുടങ്ങുന്ന ഈ മനോഹര ഗാനം.
കൃഷ്‌ണ ശങ്കര്‍ Krishna Shankar, മെറിൻ ഫിലിപ്പ് Merin Philip എന്നിവരും സിനിമയില്‍ സുപ്രധാന വേഷങ്ങളില്‍ എത്തുന്നുണ്ട്. കൂടാതെ ഉണ്ണിരാജ്, സുനില്‍ സുഖദ, വി കെ ബെെജു, അബിന്‍ ബിനോ, സ്‌മിനു, അഞ്ജലി നായര്‍ തുടങ്ങിയവരും ചിത്രത്തില്‍ അണിനിരക്കും.
സ്‌പാര്‍ക്ക് പിക്‌ചേഴ്‌സിന്‍റെ ബാനറില്‍ സുജി കെ ഗോവിന്ദ് രാജ് ആണ് സിനിമയുടെ നിര്‍മാണം. ഷംനാദ് ഷബീര്‍ ആണ് 'വാതിലിന്‍റെ' തിരക്കഥ, സംഭാഷണം. മനേഷ് മാധവന്‍-ഛായാഗ്രഹണം, ജോണ്‍കുട്ടി-എഡിറ്റിങ്. വിനായക് ശശികുമാർ, സെജോ ജോൺ എന്നിവരുടെ വരികള്‍ക്ക് സെജോ ജോണ്‍ ആണ് ചിത്രത്തിന് വേണ്ടി സംഗീതം ഒരുക്കുക.
കല - സാബു റാം, മേക്കപ്പ് - അമല്‍ ചന്ദ്രന്‍, വസ്ത്രാലങ്കാരം - അരുണ്‍ മനോഹര്‍, എക്‌സിക്യൂട്ടീവ് പ്രൊഡ്യുസര്‍ - അനൂപ് കാരാട്ട് വെള്ളാട്ട്, റിയാസ് അടക്കണ്ടി, കോ പ്രൊഡ്യൂസർ - രജീഷ് വാളാഞ്ചേരി, പ്രോജക്‌ട് ഡിസൈനർ - റഷീദ് മസ്‌താൻ, പ്രൊഡക്ഷന്‍ കണ്‍ട്രോളര്‍ - ഷാജി കാവനാട്ട്, സ്‌റ്റില്‍സ് - ബിജിത്ത് ധര്‍മ്മടം, പരസ്യകല-യെല്ലോ ടൂത്ത്‌സ്‌, പ്രൊഡക്ഷന്‍ എക്‌സിക്യൂട്ടീവ് - സുധര്‍മ്മന്‍ വള്ളിക്കുന്ന്, വാര്‍ത്ത പ്രചരണം - എ എസ് ദിനേശ്.
അതേസമയം നിവിന്‍ പോളി - ഹനീഫ് അദേനി കൂട്ടുകെട്ടിലൊരുങ്ങുന്ന 'രാമചന്ദ്രബോസ് ആന്‍ഡ് കോ' എന്ന ചിത്രത്തിലും വിനയ് ഫോര്‍ട്ട് വേഷമിടുന്നുണ്ട്. ഇക്കാര്യം വിനയ് ഫോര്‍ട്ട് തന്നെയാണ് തന്‍റെ സോഷ്യല്‍ മീഡിയയിലൂടെ ആരാധകരെ അറിയിച്ചിരിക്കുന്നത്. 'പ്രേമം', 'കനകം കാമിനി കലഹം' എന്നീ നിവിന്‍ പോളി ചിത്രങ്ങള്‍ക്ക് ശേഷം നിവിന്‍റെ പുതിയ ചിത്രമായ 'രാമചന്ദ്രബോസ് ആന്‍ഡ് കോ'യില്‍ അഭിനയിക്കുമെന്നാണ് വിനയ് നേരത്തെ ഫേസ്‌ബുക്കില്‍ കുറിച്ചത്. നിവിന്‍ പോളിക്കൊപ്പമുള്ള ഒരു ചിത്രവും വിനയ് പങ്കുവച്ചിരുന്നു.
നിവിന്‍ പോളിയുടെ കരിയറിലെ 42-ാമത്തെ ചിത്രത്തിന് താത്‌കാലികമായി NP42 എന്നായിരുന്നു പേരിട്ടിരുന്നത്. നീണ്ട നാളത്തെ കാത്തിരിപ്പിന് ശേഷം ഇന്നാണ് നിര്‍മാതാക്കള്‍ സിനിമയുടെ ടൈറ്റില്‍ പോസ്‌റ്റര്‍ പുറത്തുവിട്ടത്. എ പ്രവാസി ഹീസ്‌റ്റ് എന്ന ടാഗ് ലൈനോടു കൂടിയായിരുന്നു ടൈറ്റില്‍ പോസ്‌റ്റര്‍ പുറത്തു വിട്ടത്. നേരത്തെ 'രാമചന്ദ്രബോസ് & കോ'യുടെ ലൊക്കോഷനില്‍ നിന്നുള്ള നിന്നുള്ള നിവിന്‍ പോളിയുടെ ചിത്രങ്ങള്‍ സോഷ്യല്‍ മീഡിയയില്‍ ശ്രദ്ധ നേടിയിരുന്നു.
Also Read:Nivin Pauly| രാമചന്ദ്രബോസ് ആന്‍ഡ് കോ; നിവിന്‍ പോളി ഹനീഫ് അദേനി ചിത്രത്തിന്‍റെ ടൈറ്റില്‍ എത്തി
