DSP first look poster: തമിഴ്‌ സൂപ്പര്‍ താരം വിജയ്‌ സേതുപതി നായകനായെത്തുന്ന ഏറ്റവും പുതിയ ചിത്രമാണ് 'ഡിഎസ്‌പി'. സിനിമയുടെ ഫസ്റ്റ് ലുക്ക് പോസ്‌റ്റര്‍ പുറത്തിറങ്ങി. വിജയ്‌ സേതുപതിയാണ് 'ഡിഎസ്‌പി'യുടെ ഫസ്റ്റ് ലുക്ക് പോസ്‌റ്റര്‍ സോഷ്യല്‍ മീഡിയയിലൂടെ പങ്കുവച്ചത്.
Vijay Sethupathi DSP look: ചിത്രത്തില്‍ പൊലീസ് വേഷത്തിലാണ് താരം പ്രത്യക്ഷപ്പെടുന്നത് എന്നാണ് പുറത്തിറങ്ങിയ പോസ്‌റ്റര്‍ നല്‍കുന്ന സൂചന. പൊലിസ് യൂണിഫോമില്‍ എന്‍ഫീല്‍ഡില്‍ ഇരിക്കുന്ന വിജയ്‌ സേതുപതിയെയാണ് പോസ്‌റ്ററില്‍ കാണാനാവുക. ഇതാദ്യമായല്ല വിജയ്‌ സേതുപതി പൊലിസ് കുപ്പായം അണിയുന്നത്. നേരത്തെ 'ചെക്കചെവന്ത വാനം', 'സേതുപതി' എന്നീ സിനിമകളിലും താരം പൊലിസ് വേഷത്തിലെത്തിയിരുന്നു.
DSP cast and crew: അനുകീര്‍ത്തി വാസ് ആണ് ചിത്രത്തില്‍ വിജയ്‌ സേതുപതിയുടെ നായികയായെത്തുക. സ്‌റ്റോണ്‍ ബെഞ്ച് ഫിലിംസിന്‍റെ ബാനറില്‍ കാര്‍ത്തിക് സുബ്ബരാജ് ആണ് നിര്‍മാണം. പൊൻറാം ആണ് സിനിമയുടെ സംവിധാനം.