മാസ്‌റ്ററിന് ശേഷം ദളപതി വിജയ്‌ - ലോകേഷ് കനകരാജ് കൂട്ടുകെട്ടിലൊരുങ്ങുന്ന പുതിയ ചിത്രത്തിന്‍റെ ഔദ്യോഗിക പ്രഖ്യാപനം ഉടന്‍. ഇരുവരും വീണ്ടും ഒന്നിക്കുന്ന സിനിമയുടെ ഔദ്യോഗിക പ്രഖ്യാപനം ഫെബ്രുവരി ആദ്യ വാരം ഉണ്ടാകുമെന്നാണ് സൂചന.
ഇതിനോടകം തന്നെ സിനിമയുടെ ചിത്രീകരണം ആരംഭിച്ചെങ്കിലും മറ്റ് വിവരങ്ങളൊന്നും അണിയറപ്രവര്‍ത്തകര്‍ പുറത്തുവിട്ടിട്ടില്ല. ദളപതി 67 എന്നാണ് ചിത്രത്തിന് താല്‍ക്കാലികമായി പേരിട്ടിരിക്കുന്നത്. വിജയ്‌യുടെ കരിയറിലെ 67ാമത്തെ ചിത്രമാണിത്.