Bhediya song Apna Bana Le: ബോളിവുഡ്‌ താരം വരുണ്‍ ധവാന്‍റെ ഏറ്റവും പുതിയ ഹൊറര്‍ കോമഡി ചിത്രമാണ് 'ഭേഡിയ'. 'ഭേഡിയ'യിലെ റൊമാന്‍റിക് ഓഡിയോ ട്രാക്ക് പുറത്തിറങ്ങി. ചിത്രത്തിലെ 'അപ്‌ന ബനാ ലേ' എന്ന ഗാനമാണ് അണിയറപ്രവര്‍ത്തകര്‍ പുറത്തുവിട്ടത്. അമിതാഭ്‌ ഭട്ടാചാര്യയുടെ വരികള്‍ക്ക് അര്‍ജിത് സിംഗാണ് ഈ മനോഹര ഗാനം ആലപിച്ചിരിക്കുന്നത്. സച്ചിനും ജിഗറും ചേര്‍ന്നാണ് ഈ ഗാനത്തിന് ഈണം പകര്‍ന്നിരിക്കുന്നത്.
കൃതി സനോണ്‍ ആണ് ചിത്രത്തില്‍ വരുണ്‍ ധവാന്‍റെ നായികയായെത്തുക. ഭാസ്‌കര്‍ എന്ന കഥാപാത്രത്തെയാണ് സിനിമയില്‍ വരുണ്‍ ധവാന്‍ അവതരിപ്പിക്കുന്നത്. ഡോ.അനിക എന്ന കഥാപാത്രത്തെ കൃതി സനോണും അവതരിപ്പിക്കും. ദീപക്‌ ദൊബ്രിയാല്‍, അഭിഷേക് ബാനര്‍ജി എന്നിവരും സുപ്രധാന വേഷങ്ങളിലെത്തും.