ഡിസംബര്‍ 30ന് തിയേറ്ററുകളിലെത്തിയ ഉണ്ണി മുകുന്ദന്‍റെ 'മാളികപ്പുറം' നടന്‍റെ കരിയറിലെ ഏറ്റവും വലിയ ഹിറ്റാകാനുള്ള കുതിപ്പിലാണ്. ഈ സാഹചര്യത്തില്‍ തന്‍റെ അഭിനയ ജീവിതത്തിലെ നാള്‍വഴികള്‍ ഓര്‍ത്തെടുക്കുകയാണ് ഉണ്ണി മുകുന്ദന്‍. തന്‍റെ സോഷ്യല്‍ മീഡിയ പേജുകളില്‍ വളരെ വൈകാരികമായ കുറിപ്പാണ് താരം പങ്കുവച്ചിരിക്കുന്നത്.
'എന്‍റെ ജീവിതത്തിലെ ഏറ്റവും വിലയേറിയ രണ്ട് ചിത്രങ്ങളാണിവ. അഹമ്മദാബാദില്‍ നിന്ന് തൃശൂരിലേക്ക് ട്രെയിനില്‍ കയറുന്ന ദിവസങ്ങള്‍, ഒരു ദിവസം ഇതിനെല്ലാം പ്രതിഫലം ലഭിക്കുമെന്ന് എനിക്ക് ഉറപ്പായിരുന്നു. ഈ ചിത്രങ്ങള്‍ എന്ന് കണ്ടാലും എന്‍റെ മുഖത്തൊരു പുഞ്ചിരിയുണ്ടാകും. എന്‍റെ ലക്ഷ്യ സ്ഥാനത്തേക്കുള്ള യാത്രയുടെ ആ ചെറിയ വശം കാണിക്കുന്ന ചിത്രങ്ങള്‍.