മുംബൈ: മുതിര്‍ന്ന ബോളിവുഡ്‌ നടനും തിരക്കഥാകൃത്തുമായ ശിവ സുബ്രഹ്മണ്യം അന്തരിച്ചു. സംവിധായകന്‍ ഹന്‍സല്‍ മേത്തയും നിര്‍മാതാവ്‌ അശോക്‌ പണ്ഡിറ്റും തിങ്കളാഴ്‌ച രാവിലെ തങ്ങളുടെ ട്വിറ്റര്‍ പേജിലൂടെയാണ് ശിവ സുബ്രഹ്മണ്യത്തിന്‍റെ വിയോഗ വാര്‍ത്ത സ്ഥിരീകരിച്ചത്‌.
Shiv Subrahmanyam funeral: അതേസമയം മരണകാരണം ഇനിയും വ്യക്തമല്ല. തിങ്കളാഴ്‌ച രാവിലെ സംസ്‌കാരം നടക്കുമെന്നും ഹൻസൽ അറിയിച്ചു. തിങ്കളാഴ്‌ച രാവിലെ മുംബൈയിലെ അന്ധേരി വെസ്‌റ്റില്‍ നടന്‍റെ സംസ്‌കാരം നടക്കും.
'നമ്മുടെ പ്രിയ സുഹൃത്തും മഹാനടനും പ്രതിഭാധനനുമായ ശിവ സുബ്രഹ്മണ്യത്തിന്‍റെ ദാരുണാന്ത്യം അറിഞ്ഞതില്‍ തീര്‍ത്തും ഞെട്ടലിലാണ്. അങ്ങേയറ്റം വേദനയുമുണ്ട്‌. അദ്ദേഹത്തിന്‍റെ ഭാര്യ ദിവ്യക്ക്‌ എന്‍റെ ഹൃദയംഗമമായ അനുശോചനം. ഈ ദുരന്തത്തെ നേരിടാൻ ആവശ്യമായ ഊർജം ദൈവം നിങ്ങൾക്ക് നൽകട്ടെ.' -അശോക്‌ പണ്ഡിറ്റ്‌ ട്വീറ്റ് ചെയ്‌തു.