'നിങ്ങളുടെ ബെസ്‌റ്റിക്കൊപ്പം എങ്ങനെയാണ് റീല്‍ ഉണ്ടാക്കുക'? തകര്‍പ്പന്‍ ഡാന്‍സുമായി ടൈഗറും അക്ഷയ് കുമാറും

ടൈഗര്‍ ഷ്രോഫിന്‍റെ ഡാന്‍സിന് അമ്മയുടെ കമന്‍റ്‌. മേം ഖിലാഡിക്ക് അക്ഷയ്‌ കുമാറിന്‍റെയും ടൈഗര്‍ ഷ്രോഫിന്‍റെയും തകര്‍പ്പന്‍ ഡാന്‍സ്..

Tiger Shroff and Akshay Kumar matched steps: അക്ഷയ്‌ കുമാര്‍ ഇമ്രാന്‍ ഹാഷ്‌മി എന്നിവര്‍ കേന്ദ്രകഥാപാത്രങ്ങളിലെത്തുന്ന ചിത്രമാണ് 'സെല്‍ഫി'. 'സെല്‍ഫി'യിലെ 'മെയിന്‍ ഖിലാഡി' എന്ന ഗാനം കഴിഞ്ഞ ദിവസം പുറത്തിറങ്ങിയിരുന്നു. ഇപ്പോഴിതാ 'മെയിന്‍ ഖിലാഡി'ക്ക് തകര്‍പ്പന്‍ നൃത്ത ചുവടുകളുമായി എത്തിയിരിക്കുകയാണ് അക്ഷയ്‌ കുമാറും ഇമ്രാന്‍ ഹാഷ്‌മിയും.

Tiger and Akshay dances to Main Khiladi: ഇരുവരും ഒന്നിച്ച് നൃത്തം ചെയ്യുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്. സണ്‍ ഗ്ലാസുകള്‍ ധരിച്ച് കറുത്ത നിറമുള്ള ഔട്ട്ഫിറ്റുകളും ധരിച്ചാണ് അക്ഷയ്‌ കുമാറും ടൈഗര്‍ ഷ്രോഫും വീഡിയോയില്‍ പ്രത്യക്ഷപ്പെട്ടിരിക്കുന്നത്. ഇരുതാരങ്ങളും തങ്ങളുടെ ഇന്‍സ്‌റ്റഗ്രാം പേജില്‍ വീഡിയോ പങ്കുവച്ചിട്ടുണ്ട്.

Akshay Kumar shares his dances to Main Khiladi: 'ടൈഗര്‍ ഷ്രോഫ്‌ എനിക്കൊപ്പം നൃത്തം ചെയ്‌തു, ഇതാണ് സംഭവിച്ചത്. നിങ്ങളുടെ ബെസ്‌റ്റിക്കൊപ്പം എങ്ങനെയാണ് റീല്‍ ഉണ്ടാക്കുക? ഞാന്‍ റീ പോസ്‌റ്റ് ചെയ്യും' -ഇപ്രകാരം കുറിച്ചു കൊണ്ട്‌ സെല്‍ഫി, മേം ഖിലാഡി എന്നീ ഹാഷ്‌ടാഗുകളോട് കൂടിയാണ് അക്ഷയ്‌ കുമാര്‍ വീഡിയോ റീല്‍ ഇന്‍സ്‌റ്റഗ്രാമില്‍ പങ്കുവച്ചിരിക്കുന്നത്.

Tiger Shroff mother commented on his dance: ടൈഗറിന്‍റെയും അക്ഷയ് കുമാറിന്‍റെയും ഊര്‍ജ്ജസ്വലമായ പ്രകടനം ഇരുതാരങ്ങളുടെയും ആരാധകരില്‍ മതിപ്പുളവാക്കി. ഇരുകരങ്ങളും നീട്ടി സ്വീകരിച്ച വീഡിയോ ആരാധകരും തങ്ങളുടെ സോഷ്യല്‍ മീഡിയ പേജുകളില്‍ പങ്കുവയ്‌ക്കുകയാണ്. അക്ഷയ് കുമാറിന്‍റെ വീഡിയോക്ക് ടൈഗര്‍ ഷ്രോഫിന്‍റെ അമ്മ സംയുക്ത ഹെഗ്‌ഡെയും കമന്‍റ്‌ ചെയ്‌തിട്ടുണ്ട്. 'എന്‍റെ ദൈവമേ.... ടൈഗര്‍ മികച്ചതെങ്കില്‍ അക്ഷയ്‌ കുമാര്‍ അതിഗംഭീരം'-സംയുക്ത ഹെഗ്‌ഡെ കമന്‍റ് ചെയ്‌തു.

Main Khiladi Tu Anari movie: 1994ല്‍ പുറത്തിറങ്ങിയ 'മേം ഖിലാഡി തു അനാരി' എന്ന സിനിമയിലെ ടൈറ്റില്‍ ഗാനത്തിന്‍റെ പുനരാവിഷ്‌കരണമാണ് 'സെല്‍ഫി'യിലെ ഗാനം. ഈ ഗാനത്തിനാണ് അക്ഷയ് കുമാറും ടൈഗര്‍ ഷ്രോഫും ഗംഭീര നൃത്തച്ചുവടുകള്‍ വച്ചിരിക്കുന്നത്. 1994ലെ 'മെയിന്‍ ഖിലാഡി തു അനാരി' എന്ന സിനിമയില്‍ അക്ഷയ്‌ കുമാറും സെയ്‌ഫ്‌ അലി ഖാനുമാണ് കേന്ദ്രകഥാപാത്രങ്ങളായി എത്തിയത്.

Tiger Shroff Akshay Kumar movie: അലി അബ്ബാസ് സഫര്‍ സംവിധാനം ചെയ്യുന്ന പുതിയ ചിത്രം 'ബഡേ മിയന്‍ ഛോട്ടെ മിയാന്‍' എന്ന സിനിമയില്‍ ടൈഗര്‍ ഷ്രോഫും അക്ഷയ്‌ കുമാറും ഒന്നിച്ചെത്തുന്നുണ്ട്. ഇതിന് മുമ്പാണ് ഇരുവരും ഒന്നിച്ചുള്ള ഡാന്‍സ് വീഡിയോ സോഷ്യല്‍ മീഡിയയില്‍ വൈറലായിരിക്കുന്നത്.

2019ല്‍ പൃഥ്വിരാജ്, സുരാജ് വെഞ്ഞാറമൂട് ഒന്നിച്ചെത്തിയ മലയാള ചിത്രം 'ഡ്രൈവിങ് ലൈസന്‍സിന്‍റെ' ഹിന്ദി റീമേക്കാണ് 'സെല്‍ഫി'. സൂപ്പര്‍സ്‌റ്റാറും സൂപ്പര്‍സ്‌റ്റാറിന്‍റെ ആരാധകനും തമ്മിലുള്ള കഥയാണ് ചിത്രം. സൂപ്പര്‍സ്‌റ്റാര്‍ വിജയ്‌ക്കൊപ്പം ഒരു സെല്‍ഫി എടുക്കുക എന്ന ആഗ്രഹവുമായി സഞ്ചരിക്കുന്ന പൊലീസ് ഓഫിസറുടെയും മകന്‍റെയും കൂടി കഥയാണ് 'സെല്‍ഫി'.

മകന്‍റെ ആഗ്രഹം നിറവേറ്റി കൊടുക്കാന്‍ ശ്രമിക്കുന്ന ഒരു പൊലിസ് ഓഫിസറായ അച്ഛന്‍റെ വേഷമാണ് ചിത്രത്തില്‍ ഇമ്രാന്‍ ഖാന്. സൂപ്പര്‍സ്‌റ്റാര്‍ ആയി അക്ഷയ്‌ കുമാറും വേഷമിടുന്നു. ഡയാന പെന്‍റി, നുസ്രത്ത് ബറൂച്ച എന്നിവരാണ് ചിത്രത്തിലെ നായികമാര്‍. രാജ് മേഹ്‌ത ആണ് സംവിധാനം. കരൺ ജോഹർ, ഹിരൂ യാഷ് ജോഹർ, പൃഥ്വിരാജ് സുകുമാരൻ, അരുൺ ഭാട്ടിയ എന്നിവർ ചേർന്നാണ് സിനിമയുടെ നിര്‍മാണം. ഫെബ്രുവരി 24ന്‌ ചിത്രം തിയേറ്ററുകളിലെത്തും.