Blurr OTT release: ബോളിവുഡ്‌ താരം തപ്‌സി പന്നുവിന്‍റെ ഏറ്റവും പുതിയ ചിത്രമാണ് 'ബ്ലര്‍'. സൈക്കോളജിക്കല്‍ ത്രില്ലറായി ഒരുങ്ങുന്ന സിനിമ ഡയറക്‌ട്‌ ഒടിടി റിലീസായാണ് പ്രേക്ഷകര്‍ക്ക് മുമ്പിലെത്തുക. ഡിസംബര്‍ ഒമ്പതിന് സീ5 ലൂടെയാണ് ചിത്രം റിലീസ് ചെയ്യുക.
Blurr Motion Poster: തപ്‌സി പന്നുവാണ് റിലീസ് തീയതി തന്‍റെ ഇന്‍സ്‌റ്റഗ്രാം പേജിലൂടെ ആരാധകരുമായി പങ്കുവച്ചിരിക്കുന്നത്. സിനിമയുടെ മോഷന്‍ പോസ്‌റ്റര്‍ പങ്കുവച്ചു കൊണ്ടാണ് റിലീസ് വിവരം താരം അറിയിച്ചിരിക്കുന്നത്. 'കണ്ണില്‍ കാണുന്നത്‌ എന്താണോ അതിനേക്കാള്‍ അപ്പുറമാണ് എപ്പോഴും!' എന്ന അടിക്കുറിപ്പോടു കൂടിയാണ് തപ്‌സി പന്നു മോഷന്‍ പോസ്‌റ്റര്‍ പങ്കുവച്ചിരിക്കുന്നത്.