ന്യൂഡല്‍ഹി :ഹിന്ദി രാജ്യത്തിന്‍റെ ദേശീയ ഭാഷയല്ലെന്നും അത് സംസാരിക്കാത്ത പൗരരുടെ മേല്‍ അടിച്ചേല്‍പ്പിക്കാനുള്ള ശ്രമങ്ങള്‍ സമൂഹത്തില്‍ ഭിന്നിപ്പുണ്ടാക്കുമെന്നും ഗായകന്‍ സോനു നിഗം. ഹിന്ദി ദേശീയ ഭാഷയാക്കണം എന്ന വാദത്തില്‍ നടന്ന സംവാദത്തിലാണ് അദ്ദേഹം നിലപാട് വ്യക്തമാക്കിയത്. രാജ്യത്തെ വ്യത്യസ്‌ത ഭാഷകളില്‍ നിരവധി പാട്ടുകള്‍ ആലപിച്ചിട്ടുള്ള ഗായകനാണ് സോനു നിഗം.
ഇന്ത്യയ്ക്ക് ഒരു ദേശീയ ഭാഷയില്ല, ഭരണഘടനയുടെ എട്ടാം ഷെഡ്യൂളിൽപ്പെടുത്തിയിരിക്കുന്ന 22 ഭാഷകളിൽ ഹിന്ദിയും കന്നടയും ഉൾപ്പെടുന്നു. ഹിന്ദിയും ഇംഗ്ലീഷും ഔദ്യോഗിക ഭാഷകളാണ്. ഒരു ഭാഷയും മറ്റുള്ളവരുടെ മേല്‍ അടിച്ചേല്‍പ്പിക്കാന്‍ ശ്രമിക്കരുതെന്നും സോനു നിഗം ആവശ്യപ്പെട്ടു.