Shah Rukh Khan Pathaan release: ഷാരൂഖ് ആരാധകര്‍ നാളേറെയായി അക്ഷമരായി കാത്തിരിക്കുന്ന ചിത്രമാണ് 'പഠാന്'. ഷാരൂഖ് ഖാനും ദീപിക പദുക്കോണും കേന്ദ്രകഥാപാത്രങ്ങളിലെത്തുന്ന 'പഠാന്' ജനുവരി 25നാണ് തിയേറ്ററുകളിലെത്തുക. ചിത്രം റിലീസിനടുത്ത സാഹചര്യത്തില്‍ സിനിമയില്‍ സെന്‍സര്‍ ബോര്‍ഡ് കത്രിക വച്ചിരുന്നു.
CBFC cuts Shah Rukh Khan movie Pathaan: കനത്ത വെട്ടിച്ചുരുക്കലുകളും മാറ്റങ്ങളുമാണ് 'പഠാനി'ല്‍ സെന്‍സര്‍ ബോര്‍ഡ് നടത്തിയത്. തുടര്‍ന്ന് സിദ്ധാര്‍ഥ് ആനന്ദ് സംവിധാനം ചെയ്‌ത 'പഠാന്' യുഎ സര്‍ട്ടിഫിക്കറ്റും ലഭിച്ചിരുന്നു. 'പഠാനി'ലെ 'ബേഷരം രംഗ്' ഗാനത്തിലെ ദീപികയുടെ ക്ലോസപ്പ് ഷോട്ടുകള്‍ ഉള്‍പ്പടെ 12 കട്ടുകളാണ് സെന്‍ട്രല്‍ ബോര്‍ഡ് ഓഫ്‌ ഫിലിം സര്‍ട്ടിഫിക്കേഷന്‍ സിനിമയുടെ നിര്‍മാതാക്കളോട് നിര്‍ദേശിച്ചത്.
Public against Pathaan censoring: ഡയലോഗുകളില്‍ മാറ്റം വരുത്തിയത് ഉള്‍പ്പെടെ 12 കട്ടുകളും നടത്തിക്കൊണ്ട് സെന്‍സര്‍ ബോര്‍ഡ് നല്‍കിയ സര്‍ട്ടിഫിക്കറ്റിന്‍റെ പകര്‍പ്പ് പുറത്തുവിട്ടിരിക്കുകയാണ്. എന്നാല്‍ ഇതിനെതിരെ പലരും രംഗത്തെത്തിയിരിക്കുകയാണ്. ബോര്‍ഡ് നിര്‍ദേശിച്ച കട്ടുകളില്‍ പലതും അനാവശ്യം ആണെന്ന് ആരോപിച്ച് നിരവധി പ്രമുഖര്‍ രംഗത്തെത്തിയിട്ടുണ്ട്.
Shreya Dhanwanthary calls ridiculous censorship: ഇപ്പോഴിതാ സെന്‍സര്‍ ബോര്‍ഡിനെതിരെ ആഞ്ഞടിച്ച് നടി ശ്രേയ ധന്വന്തരി രംഗത്തെത്തിയിരിക്കുകയാണ്. ഇത് പരിഹാസ്യമാണെന്നാണ് ശ്രേയ ധന്വന്തരി ട്വീറ്റ് ചെയ്‌തിരിക്കുന്നത്.
Shreya Dhanwanthary tweet: 'ഇത് വെറും പരിഹാസ്യമാണ്. എന്താണ് കാണേണ്ടത് എന്ന് തീരുമാനിക്കാനുള്ള അധികാരം പ്രേക്ഷകർക്ക് നൽകുക. അവർക്ക് കാണാന്‍ ഇഷ്‌ടമല്ലെങ്കിൽ, ടിക്കറ്റ് എടുക്കാതെ സിനിമ കാണാതെ അവരുടെ വെറുപ്പും പ്രതിഷേധവും പ്രകടിപ്പിക്കാൻ അവരെ അനുവദിക്കുക. ഈ പരിഹാസ്യമായ സെൻസർഷിപ്പ് മടുത്തു കഴിഞ്ഞു! ഇത് എന്താണ്?!' -ശ്രേയ ധന്വന്തരി കുറിച്ചു.