Shah Rukh Khan starrer crosses 700 crore worldwide: ഷാരൂഖ് ഖാൻ, ദീപിക പദുക്കോൺ, ജോൺ എബ്രഹാം എന്നിവർ പ്രധാന കഥാപാത്രങ്ങളിലെത്തിയ 'പഠാന്‍' ബോക്‌സോഫിസില്‍ വിജയക്കുതിപ്പ് തുടരുകയാണ്. ജനുവരി 25ന് തിയേറ്ററുകളിലെത്തിയ ചിത്രത്തിന് ആദ്യ വാരം മികച്ച കലക്ഷനാണ് ലഭിച്ചത്. 684 കോടി രൂപയാണ് ഒന്‍പത് ദിനം കൊണ്ട് 'പഠാന്‍റെ' ഹിന്ദി പതിപ്പിന്‍റെ ആഗോള ബോക്സോഫിസ് കലക്ഷന്‍. ട്രേഡ് അനലിസ്‌റ്റ് രമേഷ് ബാലയാണ് ഇക്കാര്യം അറിയിച്ചിരിക്കുന്നത്.
Pathaan box office collection: അതേസമയം ഇന്ത്യയില്‍ നിന്നും 417 കോടി രൂപയാണ് 'പഠാന്‍' സ്വന്തമാക്കിയത്. 32.75 മില്യണ്‍ ഡോളറാണ് ഇതുവരെയുള്ള 'പഠാന്‍റെ' വിദേശ ബോക്സോഫിസ് കലക്ഷന്‍. ലോകമെമ്പാടും നിന്നായി 700 കോടി രൂപയാണ് 'പഠാന്‍റെ' ഇതുവരെയുളള കലക്ഷന്‍.
Pathaan box office collection day 8: 336 കോടി രൂപയാണ് 'പഠാന്‍' ഹിന്ദി പതിപ്പിന് എട്ട് ദിവസം കൊണ്ട് ലഭിച്ചത്. ഈ വാരാന്ത്യത്തില്‍ 'ദംഗലി'ന്‍റെ ഹിന്ദി പതിപ്പിനെ 'പഠാന്‍' മറികടക്കും. എട്ടാം ദിനത്തില്‍ തമിഴിലും, തെലുഗുവിലുമായി 12.50 കോടി രൂപയാണ് ചിത്രം നേടിയത്. ഇന്ത്യയില്‍ നിന്നും ആകെ 348.50 കോടിയും ചിത്രം സ്വന്തമാക്കി.
Pathaan box office collection day 7: 23 കോടി രൂപയാണ് ഇന്ത്യന്‍ ബോക്‌സോഫിസില്‍ 'പഠാന്‍' ഏഴാം ദിനം നേടിയത്. 'പഠാന്‍' ഹിന്ദി പതിപ്പിന് 22 കോടി രൂപയും, മറ്റുള്ള എല്ലാ ഡബ്‌ഡ് വേര്‍ഷനുകള്‍ക്കുമായി ഒരു കോടി രൂപയുമാണ് ഏഴാം ദിനം സ്വന്തമാക്കിയത്. ഏഴാം ദിനത്തില്‍ 'പഠാന്‍റെ' ഓവര്‍സീസ് ഗ്രോസ് കലക്ഷന്‍ 15 കോടി രൂപയാണ്. 29.27 മില്യണ്‍ ഡോളറാണ് (അതായത് 238.5 കോടി രൂപ) ഏഴ് ദിവസം കൊണ്ട് വിദേശത്ത് നിന്നും ചിത്രം നേടിയത്. 7 ദിവസം കൊണ്ട് 200 കോടി രൂപയാണ് 'പഠാന്‍' ഇന്ത്യയില്‍ നിന്നും വാരിക്കൂട്ടിയത്.