Pathaan box office day 17: ബോളിവുഡ് കിങ് ഖാന്‍റെ 'പഠാന്‍' ബോക്‌സോഫിസില്‍ തേരോട്ടം തുടരുകയാണ്. ജനുവരി 25ന് റിലീസായ ചിത്രം 17 ദിനം കൊണ്ട് ലോകമെമ്പാടുമുള്ള തിയേറ്ററുകളില്‍ നിന്നായി 901 കോടി രൂപയാണ് നേടിയത്. യാഷ് രാജ് ഫിലിംസ് റിപ്പോര്‍ട്ട് പ്രകാരം, മൂന്നാം വെള്ളിയാഴ്‌ചയില്‍ 'പഠാന്‍' 5.90 കോടി രൂപയാണ് നേടിയിരിക്കുന്നത്.
Pathaan box office collection: ഷാരൂഖ് ഖാന്‍റെ നാല് വര്‍ഷത്തിന് ശേഷമുള്ള ബിഗ്‌ സ്‌ക്രീനിലേയ്‌ക്കുള്ള തിരിച്ചുവരവ് കൂടിയാണ് ചിത്രം. ആഗോള ബോക്‌സോഫിസില്‍ 901 കോടി രൂപ നേടിയപ്പോള്‍ 558 കോടി രൂപയാണ് സിനിമയുടെ ഇന്ത്യന്‍ ബോക്‌സോഫിസ് കലക്ഷന്‍. വിദേശ രാജ്യങ്ങളില്‍ നിന്നുള്ള 'പഠാന്‍റെ' ഇതുവരെയുള്ള കലക്ഷന്‍ 343 കോടി രൂപയാണ്. യാഷ് രാജ് ഫിലിംസാണ് ഇക്കാര്യം അറിയിച്ചിരിക്കുന്നത്.
Taran Adarsh tweet about Pathaan collection: ട്രേഡ് അനലിസ്‌റ്റ് തരണ്‍ ആദര്‍ശും 'പഠാന്‍' കലക്ഷനെ കുറിച്ച് ട്വീറ്റ് ചെയ്‌തിട്ടുണ്ട്. 'ഇന്ത്യന്‍ ബോക്‌സോഫിസില്‍ മൂന്നാം വെള്ളിയാഴ്‌ച 'പഠാന്‍' കുതിക്കുന്നു. വ്യാഴം- 2.42 കോടി രൂപ. വെള്ളി- 2.58 കോടി രൂപ. ശനി, ഞായര്‍ ദിവസങ്ങളില്‍ കലക്ഷനില്‍ ഗണ്യമായ കുതിപ്പ് പ്രതീക്ഷിക്കുന്നു. റിലീസ് കഴിഞ്ഞുള്ള മൂന്നാം ശനിയാഴ്‌ചയില്‍ ചിത്രം 450 കോടി കടക്കും. മൂന്നാം വെള്ളിയാഴ്‌ച 5.75 കോടി രൂപയാണ് നേടിയത്. ആകെ 448.25 കോടി രൂപയും നേടി' -തരണ്‍ ആദര്‍ശ് കുറിച്ചു.
YRF about Pathaan collection: ബോളിവുഡ് ചരിത്രത്തില്‍ ഏറ്റവും കൂടുതല്‍ കലക്ഷന്‍ നേടിയ ഹിന്ദി ചിത്രമായി 'പഠാന്‍' മാറിയെന്ന് യാഷ് രാജ് ഫിലിംസ് പറയുന്നു. സിദ്ധാര്‍ഥ് ആനന്ദ് സംവിധാനം ചെയ്‌ത ചിത്രത്തില്‍ ദീപിക പദുക്കോണ്‍, ജോണ്‍ എബ്രഹാം, ഡിംപിള്‍ കപാഡിയ, അശുതോഷ് റാണ തുടങ്ങിയവരാണ് കേന്ദ്ര കഥാപാത്രങ്ങളില്‍ എത്തിയത്.