Lal Salaam poster: മകളുടെ ചിത്രത്തില്‍ അതിഥിയായി സൂപ്പര്‍ സ്‌റ്റാര്‍ രജനികാന്ത്. ഐശ്വര്യ രജനികാന്ത് സംവിധാനം ചെയ്യുന്ന പുതിയ ചിത്രമാണ് 'ലാല്‍ സലാം'. ചിത്രത്തില്‍ അതിഥി വേഷത്തിലാണ് രജനികാന്ത് എത്തുന്നത്. ലാല്‍ സലാമിന്‍റെ പോസ്‌റ്ററും അണിയറപ്രവര്‍ത്തകര്‍ പുറത്തുവിട്ടിട്ടുണ്ട്.
Rajinikanth in daughter movie: ട്രെയ്‌ഡ്‌ അനലിസ്‌റ്റ് ശ്രീധര്‍ പിള്ളയാണ് ഐശ്വര്യയുടെ പുതിയ സിനിമയെ കുറിച്ചുള്ള വിവരം പങ്കുവച്ചിരിക്കുന്നത്. 'മകളുടെ ചിത്രത്തില്‍ സൂപ്പര്‍ സ്‌റ്റാര്‍ രജനികാന്ത് അതിഥി വേഷത്തില്‍ എത്തും. ലാല്‍ സലാം എന്ന ചിത്രത്തില്‍ വിക്രാന്തും വിഷ്‌ണു വിശാലുമാണ്‌ കേന്ദ്രകഥാപാത്രങ്ങളിലെത്തുക. എ.ആര്‍ റഹ്മാന്‍ ആണ് സംഗീതം. തലൈവറുടെ 170ാമത് ചിത്രം.'-ഇപ്രകാരമാണ് സിനിമയുടെ പോസ്‌റ്റര്‍ പങ്കുവച്ച് ശ്രീധര്‍ പിള്ള കുറിച്ചത്.
വിഷ്‌ണു വിശാല്‍, വിക്രാന്ത് എന്നിവരാണ് ലാല്‍ സലാമില്‍ സുപ്രധാന വേഷത്തിലെത്തുന്നത്. ലൈക്ക പ്രൊഡക്ഷന്‍സ് ആണ് സിനിമയുടെ നിര്‍മാണം. എ.ആര്‍ റഹ്മാന്‍ ആണ് ചിത്രത്തിന് വേണ്ടി സംഗീതം ഒരുക്കുക. 2023ലാകും ചിത്രം റിലീസിനെത്തുക.