Priyanka and Nick celebrated Valentine Day: പ്രണയ ദിനത്തില്‍ നിരവധി താരങ്ങള്‍ തങ്ങളുടെ വാലന്റൈന്സ് ദിന ആഘോഷ ദൃശ്യങ്ങള്‍ സോഷ്യല്‍ മീഡിയയില്‍ പങ്കുവച്ചിരുന്നു. ബോളിവുഡ് താരം പ്രിയങ്ക ചോപ്രയും അമേരിക്കന്‍ ഗായകന്‍ നിക്ക് ജൊനാസും ഈ വാലന്റൈന്സ് ദിനം മനോഹരമായി ആഘോഷിച്ചു.
Priyanka wrote every day Valentine Day for Nick: താര ദമ്പതികള്‍ എങ്ങനെയാണ് പ്രണയദിനം ആഘോഷിച്ചതെന്ന് കാണാനുള്ള ആകാംക്ഷയിലാണിപ്പോള്‍ ആരാധകര്‍. നല്ല ഭക്ഷണം കൊണ്ടും മനോഹരമായ കാഴ്‌ചകള്‍ കൊണ്ടും താര ദമ്പതികള്‍ ഈ പ്രണയ ദിനം മനോഹരമാക്കി. വംശത്തിന്‍റെയും രാജ്യത്തിന്‍റെയും അതിരുകള്‍ കടന്ന തങ്ങളുടെ പ്രണയം ഒന്നിച്ചാഘോഷിച്ച് താര ദമ്പതികള്‍ അവരുടെ ഓര്‍മകള്‍ സൃഷ്‌ടിച്ചു.
NickYanka shared love filled messages for each other: പ്രിയങ്ക ചോപ്രയുടെയും നിക്ക് ജൊനാസിന്‍റെയും വാലന്റൈന്സ് ദിനാഘോഷം ഇപ്പോള്‍ സോഷ്യല്‍ മീഡിയയില്‍ വൈറലാവുകയാണ്. ഇന്‍സ്‌റ്റഗ്രാം പേജിലൂടെയാണ് താര ദമ്പതികള്‍ അവരുടെ വാലന്റൈന്സ് ദിനാഘോഷ ചിത്രങ്ങളും ദൃശ്യങ്ങളും ആരാധകര്‍ക്കായി പങ്കുവച്ചിരിക്കുന്നത്. നിക്ക്‌യങ്ക എന്നാണ് താര ദമ്പതികളെ ആരാധകര്‍ സ്‌നേഹപൂര്‍വം വിളിക്കുന്നത്.
Priyanka Chopra Nick Jonas Valentine Day celebrations: പരസ്‌പരം സ്‌നേഹം നിറഞ്ഞ നിമിഷങ്ങള്‍ പങ്കിടുന്ന ദൃശ്യമാണ് ഇരുവരും ഇന്‍സ്‌റ്റഗ്രാമില്‍ പങ്കുവച്ചിരിക്കുന്നത്. 'നിങ്ങള്‍ക്കും നിങ്ങളുടെ പ്രിയപ്പെട്ടവര്‍ക്കും പ്രണയദിനാശംസകള്‍.' -എന്ന അടിക്കുറിപ്പിലാണ് താരം ചിത്രങ്ങള്‍ പങ്കുവച്ചിരിക്കുന്നത്.
Priyanka Chopra shares pic with Nick and daughter Malti Marie: രണ്ട് ചിത്രങ്ങളാണ് പ്രിയങ്ക ചോപ്ര ഇന്‍സ്‌റ്റഗ്രാമില്‍ പങ്കുവച്ചിരിക്കുന്നത്. നിക്കിനൊപ്പമുള്ള ക്ലോസപ്പ് ചിത്രമാണ് ആദ്യത്തേതെങ്കില്‍, കാലിഫോര്‍ണിയയിലെ പിന്‍റോ തടാകത്തിന്‌ അരികില്‍ മകള്‍ മാള്‍ട്ടി മേരിക്കൊപ്പം ഇരിക്കുന്നതാണ് പ്രിയങ്ക പങ്കുവച്ച രണ്ടാമത്തെ ചിത്രം.