Prithviraj in Akshay Kumar movie: അക്ഷയ്‌ കുമാറിന്‍റെതായി അണിയറയില്‍ ഒരുങ്ങുന്ന ഏറ്റവും പുതിയ ചിത്രമാണ് 'ബഡേ മിയാന്‍ ചോട്ടേ മിയാന്‍'. അക്ഷയ്‌ കുമാര്‍, ടൈഗര്‍ ഷ്റോഫ്‌ എന്നിവര്‍ കേന്ദ്രകഥാപാത്രങ്ങളായെത്തുന്ന സിനിമയില്‍ പൃഥ്വിരാജും സുപ്രധാന വേഷത്തിലെത്തുകയാണ്. ചിത്രത്തിലെ പൃഥ്വിരാജിന്‍റെ കാരക്‌ടര്‍ പോസ്‌റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍.
Bade Miyan Chote Miyan Prithviraj character poster: അക്ഷയ്‌ കുമാറും പോസ്‌റ്റര്‍ സോഷ്യല്‍ മീഡിയയില്‍ പങ്കുവച്ചിട്ടുണ്ട്. 'ബഡെ മിയാൻ ചോട്ടെ മിയാൻ' കുടുംബം ഇപ്പോൾ വലുതായി, എങ്ങനെ! ഈ ഭ്രാന്തൻ ആക്ഷൻ റോളർ കോസ്‌റ്ററിലേക്ക് സ്വാഗതം. നമുക്ക് അടിച്ച് പൊളിക്കാം സുഹൃത്തേ!', ഇപ്രകാരമാണ് പോസ്‌റ്റര്‍ പങ്കുവച്ച് അക്ഷയ്‌ കുമാര്‍ ട്വീറ്റ് ചെയ്‌തത്.
Bade Miyan Chote Miyan first look: കബീര്‍ എന്ന കഥാപാത്രത്തെയാണ് ചിത്രത്തില്‍ പൃഥ്വിരാജ് അവതരിപ്പിക്കുന്നത്. വില്ലന്‍ വേഷത്തിലാകും സിനിമയില്‍ പൃഥ്വിരാജ് പ്രത്യക്ഷപ്പെടുന്നത് എന്നാണ് സൂചന. തന്‍റെ പുതിയ വിശേഷം പൃഥ്വിരാജും ഫേസ്‌ബുക്കിലൂടെ പങ്കുവച്ചിട്ടുണ്ട്. 'സിനിമയുടെ ഭാഗമാകാന്‍ സാധിച്ചതില്‍ സന്തോഷമുണ്ടെന്നാണ്' കാരക്‌ടര്‍ പോസ്‌റ്റര്‍ പങ്കുവച്ച് പൃഥ്വിരാജ് കുറിച്ചത്.