ഭാവനയെ കേന്ദ്രകഥാപാത്രമാക്കി ഷാജി കൈലാസ് ഒരുക്കുന്ന ചിത്രമാണ് 'ഹണ്ട്'. സിനിമയുടെ ഫസ്റ്റ് ലുക്ക് പോസ്‌റ്റര്‍ നടന്‍ പൃഥ്വിരാജ് ഫേസ്‌ബുക്കിലൂടെ പുറത്തുവിട്ടു. കൗതുകവും വ്യത്യസ്‌തമാര്‍ന്നതുമാണ് 'ഹണ്ടി'ന്‍റെ ഫസ്റ്റ് ലുക്ക്.
ഭാവനയുടെ വേറിട്ട ലുക്കാണ് പുറത്തിറങ്ങിയ പോസ്‌റ്ററില്‍ കാണാനാവുക. മെഡിക്കല്‍ ക്യാമ്പസിന്‍റെ പശ്ചാത്തലത്തില്‍ ഒരുങ്ങുന്ന സസ്‌പെന്‍സ് ഹൊറര്‍ ത്രില്ലര്‍ ചിത്രമാണ് 'ഹണ്ട്'.
സ്‌ത്രീ കഥാപാത്രത്തിന് ഏറെ പ്രാധാന്യമുള്ള സിനിമയില്‍ ക്യാമ്പസിലെ പിജി റസിഡന്‍റ്‌ ഡോ.കീര്‍ത്തി എന്ന കഥാപാത്രത്തെയാണ് ഭാവന അവതരിപ്പിക്കുന്നത്. കീര്‍ത്തിയുടെ മുന്നിലെത്തുന്ന ഒരു കേസിന്‍റെ ചുരുളുകള്‍ അഴിയുന്നതിലൂടെയാണ് 'ഹണ്ടി'ന്‍റെ കഥാ വികസനം. തുടക്കം മുതല്‍ ഒടുക്കം വരെയും പ്രേക്ഷകരെ ഉദ്വേഗത്തിന്‍റെ മുള്‍മുനയില്‍ നിര്‍ത്തുന്ന ചിത്രമായിരിക്കും 'ഹണ്ട്' എന്നാണ് അണിയറപ്രവര്‍ത്തകരുടെ വാദം.